Sekuestrohen 500 gram kokainë/ Arrestohen 2 shtetas në Korçë

28 Korrik 2023, 10:39, Kronika CNA

Sekuestrohen 500 gram kokainë/ Arrestohen 2 shtetas në

Policia ka arrestuar 2 shtetas pasi shpërndanin lëndë narkotike kokainë në qytetin e Korçës dhe posedonin armë të ftohta në banesat e tyre.

Përmes një komunikate zyrtare bëhet me dije se shtetasit me inicialet I. B., 55 vjeç, dhe L. L., 35 vjeç, u kapën dhe u arrestuan në flagrancë nga uniformat blu.

Gjatë kontrollit në banesat e këtyre shtetasve policia ka zbuluar dhe sekuestruar 500 gramë kokainë, armë të ftohta dhe shuma parash të përfituara nga veprimtaria kriminale.

Gjithashtu është proceduar penalisht shtetasi E. Ll., 41 për moskallëzim krimi, pasi sipas policisë kishte dijeni për veprimtarinë kriminale që ushtronin dy të arrestuarit.

Ky zbulim vjen në sajë të operacionit "Night sales 5".

"Shpërndanin lëndë narkotike kokainë në qytet dhe posedonin armë të ftohta në banesat e tyre, vihen në pranga 2 shtetas.

Procedohet penalisht dhe një 41-vjeçar, për moskallëzim krimi, pasi kishte dijeni për veprimtarinë kriminale që ushtronin 2 të arrestuarit.

Specialistët për Hetimin e Narkotikëve të DVP Korçë, bazuar në inteligjencën informative se dy shtetas në qytetin e Korçës, shpërndanin në qytetin e Korçës, droga të forta në doza të vogla, si edhe posedonin armë të ftohta në banesat e tyre, pas 1 muaji hetime në drejtimin e Prokurorisë, organizuan dhe finalizuan me sukses operacionin e koduar "Night sales 5". Si rezultat i këtij operacioni u kapën dhe arrestuan në flagrancë shtetasit:

-I. B., 55 vjeç, banues në fshatin Ravonik, Korçë dhe L. L., 35 vjeç, banues në Korçë.

Gjithashtu, u referuan materialet në Prokurori ku filloi procedimi penal në gjendje të lirë për shtetasin E. Ll., 41 vjeç, banues në fshatin Ravonik.

Shërbimet e Policisë, gjatë kontrolleve të ushtruara në banesat e shtetasve I. B. dhe L. L., gjetën rreth 500 gramë lëndë të dyshuar narkotike kokainë, një pjesë e saj e ndarë doza, 2 peshore elektronike, mjete që shërbenin për ndarjen e lëndës narkotike në doza, shuma parash në valuta të ndryshme, të dyshuara të përfituara nga veprimtaria kriminale, 1 bajonetë metalike, 1 thikë, 1 automjet tip "Nissan" dhe 4 celularë, të cilët u sekuestruan në cilësinë e provës materiale.

Gjithashtu, në vijim të veprimeve procedurale nisi procedimi në gjendje të lirë për shtetasin E. Ll., pasi kishte dijeni për veprimtarinë kriminale që ushtronin 2 shtetasit e tjerë, por nuk ka kallëzuar në organet e rendit."/ CNA.al