web counter
LEXO PA REKLAMA!

SHKARKO APP

App Store
Google Play

E fundit!

x

Andis Harasani: Rama shkatërroi PS-në dhe PD-në

1 Gusht 2023, 19:06, Aktualitet CNA

Andis Harasani: Rama shkatërroi PS-në dhe PD-në

Ish-deputeti i Partisë Socialiste Andis Harasani, ka hequr paralele mes PS-së së tanishme dhe PS-së në kohën kur ai angazhohej në këtë parti.

Gjatë një interviste për Syri.net, ish-deputeti  deklaroi se PS-ja e periudhës kur ai ishte deputet ishte një forcë progresiste por i mungonte disiplina e brendshme.

Gjithashtu ai thekson se deputetët dhe titullarët në të gjitha nivelet kishin një ndjenjë faji pasi rridhnin nga PPSH dhe nuk ishin modernë sa duhet.

“Në radhë të parë, jam dakord që Partia Socialiste e asaj kohe ishte një forcë e vërtetë progresiste por ishte shumë më liberale se duhej, i mungonte disiplina e brendshme dhe ndërthurja e interesave të anëtarëve që ta mbante partinë të bashkuar. Në të njëjtën kohë ajo parti vuante në subkoshiencë të të gjithë kryesisë, deputetëve dhe drejtuesve një ndjenjë faji që rridhnin nga PPSH dhe nuk ishin modernë sa duhet.”-tha Harasani.

I pyetur mbi lidershipin e Edi Ramës si kryetar i PS-së, Harasani tha se ardhja e tij në krye të Partisë Socialiste solli largime masive të njerëzve dhe shkatërroi jo vetëm të majtën shqiptare por edhe PD-në.

Ai shton se në aspektin e rezultateve elektorale PS ka korrur sukses krahasuar me periudhën kur në krye të saj ishte ish-kryeministri Fatos Nano.

“Ardhja e Ramës në krye të Partisë Socialiste solli atë që po jetohet çdo ditë në Shqipëri.  Që nga largimi masiv i njerëzve, skandalet e përditëshme, etj. 

Sa për pyetjen tuaj nëse e bëri Rama më të mirë PS-në më lejo t’i bie shkurt që jo vetëm PS-në, por dhe PD-në e shkatërroi.  Ka disa fjalë që zakonisht nuk qëndrojnë bashkë në një fjali, dhe një nga këto raste është “Rama” dhe “më mirë”.

Nëse krahasohen për fituese në zgjedhje, PS e Ramës është shumë më efektive. “-deklaroi ai./CNA.al





Lajmet e fundit nga