LEXO PA REKLAMA!

SHKARKO APP

Prenë masivisht pyje në zonën e mbrojtur “Liqeni i Zi”, arrestohen 3 persona, 2 në kërkim

1 Gusht 2023, 11:43, Aktualitet CNA

Prenë masivisht pyje në zonën e  mbrojtur “Liqeni i

Tre persona kanë rënë në prangat e policisë ndërsa dy të tjerë janë në kërkim pasi akuzohen se kanë prerë masivisht sipërfaqe pyjore në zonën e  mbrojtur “Liqeni i Zi”, me qëllim sigurimin e lëndëve drusore në kundërshtim me ligjin.

U vunë në pranga 38 vjeçari me inicialet B. D.,  banues në Bulqizë,  45 vjeçari me inicialet N. B., dhe 43 vjeçari me inicialet Z. K., , të dy banues në Dibër.

Në kërkim u  shpallën shtetasit B. L., 46 vjeç dhe A. L., 42 vjeç, vëllezër, të dy banues në Fushë Bulqizë të cilët kishin punësuar 3 shtetasit e arrestuar, për të prerë në kundërshtim me ligjin, lëndë drusore në zonën e mbrojtur “Liqeni i Zi”.

U sekuestruan 2 mjete variskë dhe 1 mjet kamion që shërbenin përkatësisht për hapjen e rrugëkalimeve dhe për transportimin e lëndës drusore, një motosharrë dhe një sasi lënde drusore e prerë ilegalisht, që u gjet në pjesë të ndryshme të zonës së mbrojtur “Liqeni i Zi”.

Vijon puna intensive për kapjen e 2 shtetasve të shpallur në kërkim, si dhe për identifikimin dhe kapjen e shtetasve të tjerë që mund të jenë implikuar në këtë veprimtari kriminale.

Monitorimi i territoreve të zonave të mbrojtura, vijon.

Materialet procedurale i kaluan Prokurorisë pranë Gjykatës së Shkallës së Parë të Juridiksiomit të Përgjithshëm Dibër, për veprime të mëtejshme./CNA.al

Lajmet e fundit nga