web counter
LEXO PA REKLAMA!

SHKARKO APP

App Store
Google Play

Rama jep detaje në lidhje me Korridorin 8/ “Kemi dy kantiere të hapura, jemi në prag të hapjes së dy të tjerave”

31 Korrik 2023, 16:57, Aktualitet CNA

Rama jep detaje në lidhje me Korridorin 8/ “Kemi dy kantiere të

Kryeministri Edi Rama ka qënë i pranishëm ditën e sotme në pikën kufitare të Qafë Thanës sëbashku me kryeministrin e Maqedonisë së Veriut, Dimitar Kovaçevski, për inaugurimin e programit të ri kufitar “Një ndalesë – Një kontroll” mes Shqipërisë dhe Maqedonisë.

Gjatë këtij rasti Rama foli në lidhje me Korridorin 8, një projekt madhor që sipas tij po shkon përpara me Maqedoninë e Veriut.

Numri një i qeverisë deklaroi se puna është ndarë në 4 pjesë, dy kantiere të hapura dhe dy kantiere të tjera që priten të hapen së shpejti.

“Kryeministri preku me të drejtë një projekt madhor që po e çojmë përpara së bashku, Korridorin 8. Një ëndërr shumë e vjetër të cilës i ka ardhur dita të realizohet dhe në të dyja anët e kufirit tanimë po punohet konkretisht në terren për ndërtimin e këtij korridori.

Ne kemi dy kantiere të hapura dhe jemi në prag të hapjes së dy kantiereve të tjera sepse e kemi ndarë në katër pjesë ndërtimin e Korridorit 8 dhe kemi bërë shumë përpjekje për rizgjimin e këtij projekti si pjesë e një të shkuare të ish rrugës Egnatia dhe si pjesë e rrjetit europian të infrastrukturës.

Ka qenë shumë e vështirë dhe më në fund ia kemi dalë në Samitin e Tiranës mes Ballkanit Perëndimor dhe BE dhe kjo na jep një tjetër energji pozitive, por na jep dhe një tjetër burim të rëndësishëm mbështetjeje nga Bashkimi Europian dhe për këtë arsye kemi pasur para disa ditësh një Samit në Romë me ministrin e Jashtëm të Italisë, ministrin e Jashtëm të Republikës së Shqipërisë, ministrin e Jashtëm të Maqedonisë së Veriut dhe atë të Bullgarisë”- u shpreh Rama./CNA.al





Lajmet e fundit nga