web counter
LEXO PA REKLAMA!

SHKARKO APP

App Store
Google Play

E fundit!

x

Kultivuan mbi 200 bimë kanabis, arrestohet kryetari i fshatit dhe një 36-vjeçar në Vaun e Dejës

31 Korrik 2023, 13:33, Aktualitet CNA

Kultivuan mbi 200 bimë kanabis, arrestohet kryetari i fshatit dhe një

Këtë të hënë janë vënë në pranga kryetari i fshatit Palaj në Vaun e Dejës, 55 vjeçari me inicialet P. M., dhe 36 vjeçari N. K.,.  që dyshohet se kanë kultivuar bimët narkotike që u gjetën në këtë fshat.

Gjithashtu, nisi procedimi në gjendje të lirë për 34 vjeçarin me inicialet Z. D., për moskallëzim krimi

Në kuadër të operacionit të koduar “Palaj”, u asgjesuan 203 bimët të dyshuara narkotike cannabis sativa që u gjetën të kultivuara në fshatin Palaj.

Njoftimi i policisë:

Finalizohet operacioni policor i koduar “Palaj”, për goditjen një rasti të kultivimit të bimëve narkotike. 

Asgjësohen 203 bimë të dyshuara narkotike cannabis sativa që u gjetën të kultivuara në fshatin Palaj.

Vihen në pranga kryetar i fshatit Palaj dhe një shtetas tjetër që dyshohet se kanë kultivuar bimët narkotike që u gjetën në këtë fshat.

Procedohet në gjendje të lirë një shtetas tjetër, për moskallëzim krimi.   

Shërbimet e Komisariatit të Policisë Vau i Dejës, në vijim të kontrollit të territorit, për parandalimin, evidentimin dhe goditjen e veprimtarisë kriminale në fushën e narkotikëve, bazuar dhe në informacionet e siguruara nga inteligjenca informative, për një rast të kultivimit të bimëve narkotike, kanë organizuar dhe finalizuar operacionin policor të koduar “Palaj”, për dokumentimin e plotë të këtij rasti.   

Gjatë operacionit, në territorin e fshatit Palaj, shërbimet e Policisë kanë gjetur të kultivuara 203 bimë të dyshuara narkotike, të cilat u asgjësuan me anë të djegies.   

Në vijim të veprimeve hetimore dhe procedurale, specialistët për Hetimin e Krimeve të Komisariatit të Policisë Vau i Dejës arrestuan në flagrancë autorët e dyshuar të kultivimit të bimëve narkotike, shtetasit: P. M., 55 vjeç, kryetar i fshatit Palaj dhe N. K., 36 vjeç.     

Gjithashtu, nisi procedimi në gjendje të lirë për shtetasi Z. D., 34 vjeç, për moskallëzim krimi.

Materialet procedurale i kaluan Prokurorisë, për veprime të mëtejshme./CNA.al

 





Lajmet e fundit nga