Kontrolli i përbashkët i kufirit me RMV/ Rama: Ka pengesa që vijnë nga inercia e të shkuarës

31 Korrik 2023, 12:43, Aktualitet CNA

Kontrolli i përbashkët i kufirit me RMV/ Rama: Ka pengesa që

Kryeministri Edi Rama së bashku me homologun e tij të Maqedonisë së Veriut,Dimitar Kovaçesvki ndodhen në Qafë Thanë pasi nga sot dy vendet nisin kontrollin e përbashkët të pikës kufitare.

Rama e quajti një moment të rëndësishëm pasi më në fund do të lehtësojën kalimin në kufi por jo vetëm kaq.

Sipas numrit një të qeverisë do t’i jepet shtysë shkëmbimev tregtare por edhe zhvillimit të marrëdhënieve në tërësi, në veçanti turizmit.

Synimi, thekson Rama është zhvillimi i mëtejshëm dhe rritja e industrisë së turizmit dhe sketrorëve të tjera të prodhimit që kërkojnë një qasje komplekse.

Kryeministri tha se për këtë do të flitet në vijimshmëri pasi ka pengesa që vijnë nga inercia e të shkuarës dhe nga paragjykimi për liberalizimin e lëvizjes.

“Sot është një moment i rëndsishëm për të gjithë ata që kalojnë në këtë pikë kufitare, sepse më në fund ua lehtësojmë kalimin në këtë pikë dhe i japim një shtysë të mëtejshme jo vetëm shkëmbimeve tregtare por dhe zhvillimit të marrdhënieve në tërësi, po ashtu dhe turizmit.

Shqipëria po përjeton një moment të jashtëzakonshëm të transformimit të imazhit të saj dhe si asnjë vit më parë fluksi i turistëve dhe numri i investitorëve të mëdhenj ndëkrombëtar të interesuar për të investuar në turizmin e Shqipërisë së bashku me shqiptarët e Diasporës është tejet inkurajues.

Zhvillimi i mëtejshëm dhe rritja e dëshiruar e industrisë së turizmit dhe sektorëve të tjerë të prodhimit kërkojnë një qasje komplekse, pjesë e patjetërsueshme e kësaj qasjeje qw është transformimi në funksion të lehtësimit tw kalimit të kufijve.

Me kryeministrin kemi folur vijimësisht për këtë dhe kemi parë se si nga e thëna në të bërë është nw mes njw det i tërë se ka pengesa që vijnë nga inercia e të shkuarës dhe nga paragjykimi pikërisht për liberalizimin e lëvizjes.

Liberalizimi i lëvizjes sjell lehtësi dhe transparencë.

Sjell më shumë rritje të përgjegjësisë për të gjitha agjensitë ligjzbatuese në pikat kufitare”, wshtw shprehur Rama./ CNA