E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Peshkaqeni” Sulejmani kërcënon dhe shantazhon

30 Korrik 2023, 17:05, Aktualitet CNA

Dje CNA raportoi në lidhje me një drejtues të policisë, i cili ushtron detyrën e drejtorit të kufirit në jug të Shqipërisë.

Me fakte konkrete treguam arrogancën e Sulejmanit. Një nga pjesëtarët e stafit tonë dje në mesditë ka qënë në krah të tij, kur ai fliste me gjuhën e një rrugaçi, kërcënonte vartësit e tij se do t’i pushonte nga puna dhe këtë e bënte në emër të ligjit.

Përdorëm me ironi duke thënë se peshkaqeni po kafshonte detin, ishte bërë “Sulejmani i Madhërshëm”. Po është e vërtetë, ata që duan më shumë fakte po i renditim më poshtë.

Sulejmani është në dijeni të korrupsionit dhe shumë operatorë flasin se paguajnë para që të ushtrojnë aktivitetin e tyre lehtësisht. Ka nga ata që janë edhe me dokumenta të paplota apo aktivitetin e kanë në një zonë tjetër dhe e ushtrojnë detyrën në një vend tjetër. Lehtësisht punojnë edhe pse mund të kenë mangësira apo janë në shkelje të ligjit. Edhe kjo ndodh sepse “peshkaqeni” Sulejmani, me shumë dyshime dhe fakte ka haraçin e vet.

Çfarë ndodhi pas publikimit të shkrimit tonë?

Sulejmani vërsuli njerëzit e tij për të shantazhuar, kërcënuar dhe fyer me komente në rrjetet sociale.

Jo pa ne qëllim i lamë të gjitha, janë rreth 110 komente, të cilat mbështesin me potere të madhe Ed Sulejmanin, "peshkaqenin" që kafshon detin.

Ka dhe nga ata që shkruajnë kundër tij, komentet janë mendimet e kolegëve, policëve, qytetarëve.

Disa flasin me emra, disa janë me profile reale, por sa vlen Sulejmani dhe puna e tij në jug, këtë do ta tregojmë ditë pas dite, nuk mund ta tregojnë komentet.

Duhet ta tregojë AMP-ja, e cila duhet të hetojë këtë officer policie, i cili në fakt është përfshirë në shumë skandale, siç shpjeguam më sipër duke theksuar se ka operatorë të cilët paguajnë haraç. AMP-ja duhet ta verifikojë si ushtrojnë aktivitet në bregdet ata që duhet të ishin në Dhërmi por janë në Vlorë apo ata që duhet të ishin në Sarandë, e janë në Himarë.

Kështu më radhë janë shumë fakte sepse bregdeti nuk është prona e Sulejmanit, “peshkaqenit” që kafshon.
Nuk është zonë e ndaluar, nuk mund të trajtohet si kufi, nuk mund të ketë diktator që ta bllokojë.

Deti është i lirë si toka për njerëzit që lëvizin. Ashtu siç lëvizin mjetet në rrugë, lëvizin dhe mjetet në det, kanë korridoret e tyre, kanë rregullat e tyre.
Por, një “peshkaqen” si Sulejmani kërkon ta kafshojë dhe të shtrëngojë gjithçka, të ushtrojë presion dhe dhunë, të sillet si arrogant dhe si sharlatan ndaj vartësve të tij duke i kërcënuar me gjuhë fyese dhe këtë jo për të zbatuar ligjin, por për të shtrënguar ligjin. Shtrëngimi i ligjit dhe zbatimi i tij i sjell atë që mund të thuhet qartazi, përfitime personale.

Komentet e rrjeteve sociale janë atje, AMP-ja mund t’i shohë dhe t’i lexojë si një mbështetje e madhe, ku duket se një turmë “të marrosurish” shkruajnë e shkruajnë se Ed Sulejmanit të madhërishëm do t’i prishet imazhi e ne kishim qëllim që ta dëmtonim.
Aspak. Nuk na intereson imazhi i Sulejmanit, as i “peshkaqenëve” të tjerë në policinë e korruptuar të shtetit, ku pak ditë më parë një officer i lartë i saj u arrestua nga SPAK-u si bashkëpuntor i krimit.

Shkrimi ka pasur qëllim thënien e së vërtetës dhe zbatimin e ligjit, dhe sa herë përballemi me turma “të marrësh” që komentojnë se mikut të tyre po ju humbet imazhi, ne vazhdojmë dhe më tej, nxjerrim dhe faktet, siç do nxjerrim këtë mesazh që po e publikojmë më poshtë, shkruar nga dikush i cili nuk na u prezantua, thjeshtë dhe vetëm ishte i ekzaltuar se pas shkrimit tonë në CNA, ndaj Ed Sulejmanit kishin vërshuar mesazhet pozitive.

Prandaj ne po përsërisim një shkrim duke theksuar ato fakte që thamë më sipër, nesër do të sjellim dhe një tjetër, pasnesër dhe një tjetër, derisa Ed Sulejmani të hetohet, të zbardhet e vërteta e skandaleve që ndodh në bregun nga Ksamili deri në Vlorë, për të kuptuar korrupsionin dhe mënyrën e trajtimit të detit si pronën e një “peshkaqeni” me uniformë policie që vërsul komentuesit duke menduar se mund të shpëtojë, të na frenojë për të thënë të vërtetën.

Këtë nuk e ka bërë dot askush deri më tani, nuk ka për ta bërë as Sulejmani, “peshkaqeni” kapterr i kthyer në një oficer që tani kërkon të kafshojë detin për llogari dhe interesa të xhepit të tij./CNA.al