LEXO PA REKLAMA!

SHKARKO APP

Inceneratori i Tiranës drejt sekuestrimit, abuzim apo skemë?

30 Korrik 2023, 21:27, Aktualitet CNA

Inceneratori i Tiranës drejt sekuestrimit, abuzim apo skemë?

Në rrjetet e gazetarëve dhe në qarqet politike po kalon informacioni se SPAK është duke sekuestruar inceneratorin e Tiranës.

Është fakt që në akuzat e ngritura ndaj Arben Ahmetajt në 322 faqe, përmendej edhe inceneratori i Tiranës dhe hetimet janë kryer pas disa kallëzimeve të bëra rresht nga Nisma Thurje, Partia Demokratike apo dhe Lëvizja Socialiste për Integrim.

Shumë denoncime janë bërë. Kompania pretendon se nuk po e ndërton inceneratorin sepse ka afat deri në 2026, politika dhe media reagojnë duke theksuar se nuk duhej paguar kjo tarifë deri në ndërtimin e inceneratorit, tarifa prej 29 eurosh e kështu me radhë.

Por, tashmë ka filluar të qarkullojë lajmi se inceneratori pas hetimeve do të sekuestrohet, pasi ka akuza të ngritura ndaj pronarëve të cilët kanë frimosur konçensionin që fillon me Klodian Zoton dhe shkon me drejtimin e saj në hije nga Mirel Mërtiri (Klodian Mërtiri).

Lajmi se inceneratori do të sekuestrohet ka dy anët e saj të medaljes.

Së pari, sekuestrimi do të ishte një hap që do të tregonte se SPAK-u ka bërë detyrën, do të ketë të akuzuar, janë gjetur shkelje të ligjit, vepra penale që do të çohet në gjykatë e të tjera me radhë.

Dhe së dyti, nxjerja e këtij informacioni, mund të jetë një skemë. Një skemë që po e përdor vetë politika për të njoftuar personat në hije pas inceneratorëve apo dhe pronarët e vërtetë që të zbrazin llogaritë.

Pra, kur të sekuestrohet inceneratori, llogaritë e saj, të vendoset administratori, llogaritë bankare të kompanisë të jenë zero, pra milionat e eurove të kenë dalë jashtë vendit.

Flitet për një qarkullim parash që në vit sipas të dhënave zyrtare të publikuara nga vetë kompania, rreth 25 milionë  dollarë.

Në total në 6 vitë të ardhura 180 milionë dollarë dhe me një fitim të deklaruar rreth 25 milionë dollarë dhe nga ana tjetër me një investim të pretenduar të kompanisë, rreth 30 milionë dollarë por që kjo e fundit është një shifër paksa e fryrë.

Sipas të dhënave duket se inceneratori, sipas lajmit që po qarkullon mundet të sekuestrohet, por një drejtim është ai i hapave të shpejtë të SPAK-ut dhe veprimeve proaktive ndërsa nga ana tjetër ngadalësia mund të jetë një skemë për të lejuar kompaninë të largojë paratë jashtë vendit dhe shqiptarët do të ngelen me gisht në gojë dhe gati për të pritur se si do të procedohet më tej nga drejtësia./CNA

Lajmet e fundit nga