web counter
LEXO PA REKLAMA!

SHKARKO APP

App Store
Google Play

E fundit!

x

“Peshkaqeni” Sulejmani: Unë nuk pyes për kryeministër

31 Korrik 2023, 11:27, Aktualitet CNA

“Peshkaqeni” Sulejmani: Unë nuk pyes për kryeministër

Ed Sulejmani apo Eduart Sulejmani, njeriu i cili duhet të drejtojë dhe menaxhojë kufirin në qarkun e Vlorës, pra një nga zonat më të rëndësishme bregdetare, në vend të ligjit, përdor “Maliqin”. Dhe mesa duket tani i është mbushur mendja se është vetë i tillë. Ndoshta i duket vetja dhe kryeministër.

CNA ka sjellë disa materiale ditë pas dite. Që herën e parë, ai vërsuli me qindra komentues duke menduar se, ne do të stepeshim sepse imazhi i tij ishte pozitiv, ishte një person me vlera në Policinë e Shtetit.

Në fakt kështu ishte dhe Oltion Bistri, derisa u kap si bashkëpunëtor i kriminelëve. Edhe Eduart Sulejmani fsheh jo pak nën lëkurën e tij, të mbuluar me imazhin gjoja të një oficeri profesionist.

Ai është aq i kompleksuar, saqë detyron policët të bëjnë komente, pa folur për ata që sillet si harbut duke i kërcënuar se, do t’i pushojë nga puna në rast se, nuk zbatojnë urdhrat e tij antiligjore.

Le të shohim një fakt tjetër se, si i dëbon turistët dhe nuk do t’ia dijë as për kryeministrin.

Jo më larg sesa dje, disa qytetarë të cilët janë turistë, që ishin me mjetet e tyre bregdetare, me dokumente të rregullta, janë mbajtur për dy orë në diell për tu kontrolluar së bashku me fëmijët e tyre.

Pardje ne denoncuam rastin ku me arrogancë kërcënonte policët dhe tmerronte fëmijët në bregun e detit. Vetë Sulejmani ka lënë për disa orë, disa qytetarë me dokumente të rregullta me të gjitha lejet, licencat, në bregun e detit duke mos i lejuar të lundrojnë.

Reagimi i qytetarëve ka qenë i ashpër, pasi ata tregojnë dokumentet online nga e-albania e të gjitha lejet por Sulejmani nuk i njihte dokumentat online. Ai donte letra të printuara.

Megjithëse ka një urdhër të kryeministrit që të ketë sa më pak letra të printuara dhe sa më shumë dokumente dhe leje online, Sulejmani që "kafshon" detin për tu zënë me njerëzit, për të krijuar konflikte, për ti penguar ata, me qëllim për t’i dëbuar turistët nga bregdeti shqiptar, thotë se nuk i njeh letrat.

E kur qytetarët i thonë që ky është një urdhër i kryeministrit, ja ku është dokumenti, ky është një dokument online, ka një barkod, skanohet, Sulejmani reagon ashpër dhe horrat e tij turpësisht me uniformë policie deklarojnë se nuk duan t’ja dinë për kryeministrin dhe për urdhërat e tij. Ata kanë urdhër nga Sulejmani dhe Sulejmani nuk pyet për kryeministrin.

Kjo është një situatë e re, një fakt i ri. Ditë pas dite, do të sjellim detaje dhe për kashtoret që ngre si posta policie edhe për ata të cilët mendonin se Sulejmani është një oficer i ndershëm, por në fakt ai është vetëm një “Maliq” që përdor ligjin për interesat e tij personale dhe po i shkakton  një problematikë të madhe jugut të Shqipërisë, duke dëbuar turistët dhe për të mjafton të pyes AMP-ja, qytetarët, të cilët kanë ardhur për të pushuar në Jug dhe trajtohen nga Sulejmani si të ishin ushtarët e tij, thjesht dhe vetëm se ky i fundit nuk pyet për kryeministrin, nuk do t’ja dijë për dokumentet online, por ka një sjelle brutale prej horri dhe jo prej një zyrtari policie me uniformë.

Vetë Sulejmani është nga ata që turpëron uniformën e policisë dhe këtë e tregojnë me qindra komente që rreshtoi duke përdorur sekretar e asistentë, policë në rrjetet sociale për të mbrojtur imazhin e tij tashmë të çjerrë me të vërtetat e pathëna deri më sot për Sulejmanin, “peshkaqenin” që kafshon detin./CNA.al





Lajmet e fundit nga