web counter
LEXO PA REKLAMA!

SHKARKO APP

App Store
Google Play

E fundit!

x

Për 6 vite nuk është është djegur asnjë ton plehra / Si po vidhen paratë e shqiptarëve

31 Korrik 2023, 12:27, Aktualitet CNA

Për 6 vite nuk është është djegur asnjë ton plehra

“Për 6 vite nuk është djegur asnjë ton plehra dhe 110 milionë euro janë përdorur për të fryrë llogaritë bankare të Ramës,Agaçit dhe Veliajt”.

Këto janë akuzat që ish kryeministri Sali Berisha ka bërë në deklaratën për mediat ditën e sotme.

Berisha i ka drejtuar gishtin Ramës, Veliajt dhe Agaçit për aferën e djegësave duke thënë se 110 milionë euro nuk janë shfrytëzuar për djegësat por për të fryrë llogaritë e tyre.

Ndër të tjera shprehet se taksapguesit shqiptarë po videhn duke paguar për djegien e plherave ndërkohë që për 6 vite nuk janë djegur asnjë ton plehra.

"Për Tiranën ata paguajnë 29 euro/ ton, në një kohë që inceneratori nuk ekziston.

Është klani mafioz i plehrave i Edi Ramës, Engjëll Agaçit dhe Erion Veliajt dhe jo Klodo-Mërtiri-Gugallja, që kanë firmosur për dhënien e bonusit prej 8 pikësh për kompaninë Integrated Energy që nuk ekzistonte.

Klani Rama-Veliaj-Agaçi firmosën për dhënien e kësaj kompanie, ndonëse e dinin se nuk ekzistonte, sepse për këtë ata ishin njoftuar me ligj nga ministrja Felaj, e cila në relacionin e saj njoftonte se kompania nuk ekziston.

Kompania u formua vetëm një ditë përpara se të shpallej fituese e koncesionit, për të cilën kishte marrë bonusin prej 8 pikësh kur nuk ekzistonte.

Rama-Veliaj-Agaçi e ndoqën këtë praktikë mafioze për të shprehur shpalljen e tenderit, sepse ata sipas ligjit ishin të detyruar të shpallnin garën e koncesionit në tre gazeta ndërkombëtare për shkak të shumës prej 128 milionë eurosh.

Ky klan mafioz, në kundërshtim me kontratën, detyron qytetarët e qarkut të Tiranës dhe Durrësit, tarifën prej 29 eurosh për ton/mbetje, e cila është tarifa e djegies, në vend të 11 ton, e cila është tarifa për depozitim.

Nuk janë Zoto dhe Mërtiri që kanë angazhuar Florian Pustinën si konsulent i aferës së vjedhjes së shekullit, por është miku i tij me kokë, Lal Djegësi që ka kontraktuar studion e Pustinës, në të cilën ishte punuar edhe zonja Veliaj, por edhe mikesha familjare, Klotilda Bushka.
Kjo e fundit, në një mënyrë antiligjore dhe antikushtetuese, do paraqiste në parlament me urgjencë, amendamentin personal për shtesën për djegësin e Lal Djegësit.
Klani i plehrave në përputhje me nenin e koncesioneve, nuk anulojnë koncesionin për të cilin janë paguar deri tani 110 milionë euro dhe nuk është ndërtuar asnjë prej objektet në kontratë.

Erion Veliaj që fërkon duart me mandatin e drejtë të arrestit të Arben Ahmetajt, është shumëfishi i tij. Ai përhap kudo lajmin se e kam mbyllur aferën me SKAP-in e partisë. Kujtoni pak epitetet që ai i vinte ai, këtij institucionit në grindjen me kreun e FSHF.
Por pavarësisht kësaj, Erion Veliaj është hajduti i parë i djegësit të Tiranës. Drejtësia mund të vonojë, por nuk do e harrojë kurrë atë", tha Berisha./ CNA





Lajmet e fundit nga