LEXO PA REKLAMA!

SHKARKO APP

Si do ta pastrojë policinë Veliu?

31 Korrik 2023, 14:59, Aktualitet Anila Hoxha

Si do ta pastrojë policinë Veliu?

Jam kurioze, si do ta pastrojë policinë kreu i Agjensisë së Mbikëqyrjes Policore Ard Veliu, kur dosjet e SPAK tregojnë se pikerisht ajo polici dhe ata shefa që emëroi në detyrë në 2020 i shërbenin krimit të organizuar kur Veliu ishte Drejtor i Përgjithshëm i Policisë së Shtetit?

Ajo polici që njoftonte kriminelët mos dilni se po vjen RENEA.

Ajo polici që nga Tropoja, në Krujë e në jug sajonte vendngjarje sikur hashashi ishte asgjësuar dhe prishte skena krimi.

Ajo polici që kërcënonte policët e thjeshtë që i shërbenin detyrës dhe i degdisnin nëpër drejtori standartesh sepse nuk pranuan të kryejnë arrestime të paligjshme. Mos bindje ndaj eprorit, intriga dhe varrosje për së gjalli, për policë që vetë bossi urdhëronte shporreni nga komisariati.

Ajo polici me shefa që vazhdonin të posedonin informacione prej agjenteve që i shfrytezonin sikur i kishin polici private, që pasi vilnin punën e policit të ndershëm, arshivonin apo ja shisnin të dhënat pseudobiznesmenëve dhe kriminelëve.

Ajo polici që tradhëtoi të vetët dhe bëri kurbane qytetarë të thjeshtë që servireshin si kumbarët e Ballkanit kur gjithë çka kishin bërë shumë prej tyre nuk meritonte atë forcë policore e demonstrim ligji. Ata, të vërtetët dalin nëpër transkripte dosjesh duke ndarë zona krimi e duke paguar miliona në duar me gjak qytetarësh që u prenë në besë. Jam kurioze si?!

Lajmet e fundit nga