E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

SPAK dërgon për gjykim Fredi Bejlerin, akuza mbi të

1 Gusht 2023, 09:43, Aktualitet CNA

Prokuroria e Posaçme ka mbyllur hetimet dhe ka dërguar për gjykim kreun e zgjedhur të Bashkisë Himarë, që akuzohet për blerje votash. Alfred Beleri akuzohet për veprën penale “Korrupsioni aktiv në zgjedhje”, kryer në bashkëpunim.

Gjithashtu për gjykim është dërguar dhe Pandeli Kokaveshi, i cili akuzohet për veprën penale “Korrupsioni aktiv në zgjedhje”, kryer në bashkëpunim.

Nga hetimet ka rezultuar se Beleri i ka ofruar Arsen Ramës shumat monetare prej 50 euro për çdo person që do të gjente që do të votonte për të në zgjedhjet për Bashkinë Himarë.

Mësohet se Beleri do i jepte shumën prej 300 euro Arsen Ramën për shërbimin, për gjetjen e personave që do të votonin për të.

Ai i ka dhënë shumat monetare Arsenit nëpërmjet Pandeli Kokaveshit. Janë dhënë shuma parash për 8 persona që do votonin në favor të Alfred Beleri.

Njoftimi i SPAK:

Në përfundim të hetimeve paraprake të procedimit penal nr.111 të vitit 2023, Prokuroria e Posaçme Kundër Korrupsionit dhe Krimit të Organizuar ka paraqitur para Gjykatës së Posaçme të Shkallës së Parë Për Korrupsionin dhe Krimin e Organizuar (në datën 31.07.2023) kërkesën për gjykim në ngarkim të pandehurve:

1.Dhionisios Alfred Beleri, akuzuar për veprën penale veprën penale “Korrupsioni aktiv në zgjedhje”, kryer në bashkëpunim, parashikuar nga neni 328 e 25 i Kodit Penal.

2. Pandeli Kokaveshi, akuzuar për veprën penale veprën penale “Korrupsioni aktiv në zgjedhje”, kryer në bashkëpunim, parashikuar nga neni 328 e 25 i Kodit Penal.

Nga analiza një nga një dhe në unitet e provave të administruara gjatë hetimit, sikurse janë të dhënat e përftuara nga përgjimet audio/video, nga kqyrjet e telefonave, nga kqyrjet e akteve të ekspertimit kompjuterik, nga deklarimet e personave që kanë dijeni për veprën penale etj, rezulton se është e provuar tej çdo dyshimi të arsyeshëm që i pandehuri Dhionisios Alfred Beleri i ka ofruar shtetasit Arsen Rama shumat monetare prej 50 euro për çdo person që do të gjente Arseni, që do votonte për Belerin si kandidat për kryetar të Bashkisë Himarë, në zgjedhjet vendore të datës 14.05.2023, ndërsa vetë shtetasit Arsen Rama i ka premtuar si shpërblim për shërbimin që do të kryente shumën 300 euro.

I pandehuri Dhionisios Alfred Beleri ia ka dhënë shumat monetare Arsenit nëpërmjet të pandehurit tjetër Pandeli Kokaveshi, i cili ka qenë bashkëpunëtori i tij në kryerjen e këtij akti korruptiv dhe ky i fundit i ka dhënë shtetasit Arsen Rama tetë kartëmonedha të prerjes 5 000 lekëshe për tetë persona që do votonin në favor të shtetasit Dhionisios Alfred Beleri.

Në rastin konkret të pandehurit e kanë kryer veprën penale me veprime aktive të kundërligjshme në dy forma të saj, si nëpërmjet premtimit dhe ofrimit të shumave monetare shtetasit Arsen Rama në mënyrë që ky i fundit të ndikonte tek vullneti i qytetarëve të tjerë për të siguruar vota në favor të të pandehurit Dhionisios Alfred Beleri në zgjedhjet vendore të datës 14.05.2023./CNA.al