web counter
LEXO PA REKLAMA!

SHKARKO APP

App Store
Google Play

Përplasje për çështjen "Beleri"/ Ministria e Jashtme e Shqipërisë i përgjigjet Athinës

7 Korrik 2023, 16:26, Aktualitet CNA

Përplasje për çështjen "Beleri"/ Ministria e

Ministria e Jashtme e Shqipërisë i është përgjigjur Athinës për çështjen e Fredi Belerit, kryebashkiakut të zgjedhur të Himarës.

Me anë të një deklarate, Ministria e Jashtme shprehet se qëndrimete  Greqisë janë të pavend.

Ministria thotë se Qeveria e Shqipërisë as nuk burgos, as nuk paraburgos kënd, sepse është një vend demokratik .

“Kemi ndjekur me keqardhje deklaratën e zëdhënësit të Qeverisë Greke lidhur me rastin Beleri. Siç e kemi deklaruar në vijimësi, publikisht por edhe gjatë komunikimeve që kemi pasur me kolegët tanë grekë, deklarata të tilla janë të pavend dhe injorojnë realitetin demokratik dhe të sundimit të ligjit ne Shqipëri.

Qeveria e Shqiperisë as nuk burgos, as nuk paraburgos kënd, sepse Shqipëria është një vend demokratik ku sundon parimi i ndarjes së pushteteve.

Theksojmë me këtë rast se shtetasi shqiptar me kombësi greke Fredi Beleri është subjekt i Prokurorisë dhe Gjykatës Speciale kundër Krimit të Organizuar e Korrupsionit, struktura të krijuara nga Reforma në Drejtësi, e cila është fryt i bashkëpunimit strategjik me SHBA dhe BE.

Qeveria Shqiptare nuk komenton veprimet dhe vendimet e këtyre strukturave. Ky parim vlen në rastin e z. Beleri ashtu si edhe në rastin e çdo qytetari tjetër shqiptar, në Shqipëri aq sa edhe në Greqi apo cilindo vend demokrarik në Europë e botë, prandaj e ftojmë Qeverinë e Greqisë të bëjë të njëjtën gjë dhe të presë, ashtu si ne, që drejtësia të bëjë punën e saj”, thuhet në deklaratë./ CNA.al





Lajmet e fundit nga