LEXO PA REKLAMA!

SHKARKO APP

Begaj: Së shpejti Azerbajxhani do të heqë vizat për Shqipërinë

7 Korrik 2023, 12:57, Aktualitet CNA

Begaj: Së shpejti Azerbajxhani do të heqë vizat për

Presidenti i Shqipërisë, Barjam Begaj ka bërë me dije se homologu i tij në Azerbajxhan, ka premtuar se  së shpejti do të heqë vizat për vendin tonë.

Sipas Kreut të Shtetit, thellimi i bashkëpunimit ekonomik, si dhe prania e investimeve azere edhe në drejtim të turizmit janë të mirëpritura.

Heqja e vizave është gjithashtu një tjetër mënyrë për të afruar më tej dy popujt.

“Siç e përmenda, Presidenti Aliyev është një njeri që i përmbush premtimet në realitet dhe sot më tha se heqja e vizave do të realizohet shumë shpejt” – theksoi Presidenti Begaj.

Pika të tjera të trajtuara gjatë takimeve ishin edhe mbështetja e Shqipërisë për paqen afatgjatë në rajonin e Kaukazit Jugor, të ndërmjetësuar nga partnerët e besueshëm dhe organizatat ndërkombëtare. Kreu i Shtetit i rishprehu Presidentit Aliyev se Shqipëria gjithnjë ka mbështetur integritetin territorial të Azerbajxhanit dhe zbatimin e rezolutave të Këshillit të Sigurimit. 

Dy presidentët u ndalën edhe te lufta në Ukrainë, ku ndanë një tjetër herë mbështetjen për integritetin territorial të Ukrainës.

Këtë vit, shënohen 30 vjet nga vendosja e marrëdhënieve diplomatike mes Shqipërisë dhe Azerbajxhanit. Për Kreun e Shtetit, sot marrëdhëniet mes dy vendeve janë më të mira se kurrë ndonjëherë./ CNA

Lajmet e fundit nga