web counter
LEXO PA REKLAMA!

SHKARKO APP

App Store
Google Play

Zv.ministrja e Shëndetësisë: Nuk kemi mungesë të mjekëve specialistë në spitalet publike

6 Korrik 2023, 22:59, Aktualitet CNA
Zv.ministrja e Shëndetësisë: Nuk kemi mungesë të
Zv.ministrja e Shëndetësisë, Entela Ramasoçaj

Të gjitha spitalet shtetërore janë të plotësuar me mjekë specialistë.

Kështu deklaroi mbrëmjen e sotme zv.ministrja e Shëndetësisë, Entela Ramasoçaj.

Ajo tha në një dalje televizive se Shqipëria nuk ka mungesë të mjekëve specialistë në spitalet publike.

Zv.ministrja e Shëndetësisë u shpreh se mjekët dhe infermierët janë të lirë të lëvizin, ndërsa theksoi se mirëpriten të kthehen ata që kanë pasur një eksperiencë pune në vendet e zhvilluara

“Vitin e kaluar shtuam kuotat me 100, këtë vit edhe 50 më tepër, vitin tjetër edhe 50 më tepër. Ne nuk kemi të dhëna që të jenë rritur të dhënat e largimit të stafeve tona shëndetësore, por patjetër që janë të lira. Mjekët, infermierët janë të lirë të lëvizin.

E rëndësishme është që ne kemi arritur të plotësojmë nevojat për mjekë specialistë në spitalet tona rajonale e bashkiake. Ne nuk kemi mungesë të mjekëve specialistë në spitalet publike. Kjo është një çështje dinamike, patjetër që mjekët janë të lirë të lëvizin, ashtu siç mund të kthehen pasi kanë pasur një eksperiencë pune në vendet e zhvilluara”, nënvizoi Ramasoçaj./ CNA.al





Lajmet e fundit nga