LEXO PA REKLAMA!

SHKARKO APP

“Nuk e duam opozitën stoli”, Berisha: Rama fiton çdo garë se nuk kemi arritur t'i tregojmë vendin

1 Gusht 2023, 13:11, Aktualitet CNA

“Nuk e duam opozitën stoli”, Berisha: Rama fiton çdo

Ish-kryeministri Sali Berisha gjatë fjalës së tij në mbledhjen e Kryesisë së Partisë Demokratike ka hedhur sërisht akuza ndaj qeverisë Rama, duke nënvizuar se ka ardhur koha t'i tregohet vendi.

Në fjalën e tij Berisha përmendi dhe operacionin “Metamorfoza” të SPAK-ut ku tha se biznesmeni i arrestuar Pllumb Gjoka është mik i Ramës dhe i Veliajt. 

Ai hodhi akuza edhe ndaj ministrit të Brendshëm, Taulant Balla i cili sipas tij ka porositur vrasjen e Radhi Gurrës. 

Berisha shprehet se Rama arrin të fitojë çdo garë pasi opozita nuk ka arritur ti tregojë vendin.

“Operacioni “Metamorfoza”, është regjistruar në Janar por u shty që të përdoren kundër opozitës dhe të sillen në Shkodër si pushtues. Pllumb Gjoka mik i ngushtë i Ramës e Veliajt vendosi Velipojën nën pushtim në 14 Maj dhe ne e denoncuam. Mes Pëllumb Gjokës e Taulant Ballës dhe më i poshtër është Taulant Balla sepse Pëllumb Gjoka nuk synoi të bëhej ministër. Gjoka ka porositur vrasjen e Hysen Veliut. Taulant Balla sipas dëshmive në sallën e gjyqit ka porositur vrasjen e Radhi Gurrës. Njëra është dëshmi në sallën e gjyqit tjetra inerceptim telefonik. Do ta çlirojmë ne Shqipërinë nga ky regjim apo do të vazhdojmë si opozitë stoli e këtij regjimi? Asnjë nga ne nuk e don këtë të dytën por realitetet janë realitete. Ne sot jemi para këtij realiteti. Edi Rama është një mit, i pamundshëm, fiton çdo garë. Një realitet krejt tjetër, është një kalbësirë që vjedh çdo garë, Rama fiton çdo garë se nuk kemi arritur t'i tregojmë vendin atij. PD duhet t'i nënshtrohet një procesi të thellë debati e analize, përmirësimi bazuar në statut.", tha Berisha/CNA.al

Lajmet e fundit nga