LEXO PA REKLAMA!

SHKARKO APP

E përfituan nga korrupsioni në inceneratorin e Tiranës/ U sekuestrohet pasuri me vlerë 1 milion euro Zotos dhe Mërtirit

1 Gusht 2023, 12:33, Aktualitet CNA

E përfituan nga korrupsioni në inceneratorin e Tiranës/ U

 

Të martën, SPAK sekuestroi inceneratorin e Tiranës. Në dosjen hetimore të SPAK, nënvizohet se Klodian Zoto dhe Mirel Mërtiri janë pronarët e vërtetë të inceneratorit, duke konfirmuar lajmet investiguese të CNA. 

Nga hetimet ka rezultuar se Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k, duke përfituar vlerën monetare 409,428,000 lekë. 

Në megaaferën e inceneratorit të Tiranës, Klodian Zoto ka deklaruar fatura të falsifikuara për punime të kryera nëpërmjet shoqërisë “Integrated Energy Services” sh.p.k., si nënkontraktor i kompanisë koncesionare të inceneratorit të Tiranës.

Por, Zoto dhe Mërtiri nuk janë ndaluar me kaq, madje kanë në zotërim në mënyrë indirekte kompaninë “F.M.O.” sh.p.k. Nga përfitimet e paligjshme nga inceneratori i Tiranës, nëpërmjet shoqërisë F.M.O, ata kanë blerë një pasuri të paluajtshme, me sipërfaqe 611 m2, me vlerë 1 milion euro në qytetin e Durrësit. 

Kjo pasuri është sekuestruar nga SPAK ditën e sotme. 

"Po ashtu, është evidentuar fakti se shtetasit Klodian Zoto dhe Mirel Mërtiri zotërojnë në mënyrë indirekte shoqërinë “F.M.O.” sh.p.k. Nga hetimi janë mbledhur prova se këta shtetas, duke shfrytëzuar perfitimet e paligjshme kanë blerë për llogari të subjektit “F.M.O.” sh.p.k., një pasuri të paluajtshme, me sipërfaqe 611 m2, me vlerë 1 000 000 Euro, e ndodhur në qytetin e Durrësit", thuhet në njoftimin e SPAK. 

 

Lajmet e fundit nga