LEXO PA REKLAMA!

SHKARKO APP

Megaafera në inceneratorin e Tiranës/ Mërtiri dhe Zoto përfituan mbi 4 miliardë lekë të vjetra

1 Gusht 2023, 13:15, Aktualitet CNA

Megaafera në inceneratorin e Tiranës/ Mërtiri dhe Zoto

Prokuroria e Posaçme sekuestroi këtë të martë inceneratorin e Tiranës, pasi ka siguruar prova për aferën e denoncuar prej vitesh nga CNA.

SPAK deklaroi se ka prova që faktojnë se Klodian Zoto dhe Mirel Mërtiri janë pronarët “de facto” të shoqërisë “Integrated Energy B.V SPV” sh.p.k, e cila ka fituar kontratën koncesionare të inceneratorit të Tiranës.

Gjithashtu, është faktuar se Zoto dhe Mërtiri janë pronarët “de facto” edhe të kompanisë mëmë të themeluar në Hollandë, “Integrated Energy B.V”, ndryshuar më pas me emrin “Geogenix B.V”.

SPAK zbulon edhe shifrat marramendëse që dy të shumëkërkuarit kanë përfituar nga afera në inceneratorin e Tiranës.

Sipas këtij intitucioni ligjzbatues, Zoto dhe Mërtiri kanë përfituar në sajë të faturave tatimore të falsifikuara, vlerën monetare 409,428,000 lekë të reja, ose e thënë ndryshe 4 miliardë lekë të vjetra.

Gjithashtu, me përfitimet e paligjshme nga inceneratori i Tiranës, ata kanë blerë në Durrës një pasuri të paluajtshme, me sipërfaqe 611 m2, me vlerë 1 milion Euro, për llogari të subjektit “F.M.O.” sh.p.k., të cilin ata e zotërojnë në mënyrë indirekte. Kjo pasuri i është sekuestruar sot nga SPAK.

“Nga aktet e administruara deri në këtë fazë të hetimeve, rezulton se shtetasi Klodian Zoto, në bashkëpunim me shtetasin Mirel Mërtiri, kanë përfituar në sajë të faturave tatimore të falsifikuara, vlerën monetare 409,428,000 (katërqind e nëntë milion e katërqind e njëzet e tetë mijë) lekë, ku shtetasi Klodian Zoto është paraqitur dhe ka deklaruar fatura të falsifikuara për punime të kryera nëpërmjet shoqërisë tjetër të tij “Integrated Energy Services” sh.p.k., si nënkontraktor i shoqërisë koncesionare “Integrated Energy B.V. S.P.V.” sh.p.k. Në kohën e lëshimit të këtyre faturave të falsifikuara, provohet se aksionerë “de facto” kanë qenë shtetasit Klodian Zoto dhe Mirel Mërtiri.

Po ashtu, është evidentuar fakti se shtetasit Klodian Zoto dhe Mirel Mërtiri zotërojnë në mënyrë indirekte shoqërinë “F.M.O.” sh.p.k. Nga hetimi janë mbledhur prova se këta shtetas, duke shfrytëzuar përfitimet e paligjshme kanë blerë për llogari të subjektit “F.M.O.” sh.p.k., një pasuri të paluajtshme, me sipërfaqe 611 m2, me vlerë 1 000 000 Euro, e ndodhur në qytetin e Durrësit”, thuhet në njoftimin e Prokurorisë së Posaçme./ CNA.al

Lajmet e fundit nga