LEXO PA REKLAMA!

SHKARKO APP

Një bravo tjetër për SPAK-un

1 Gusht 2023, 15:02, Aktualitet CNA
Një bravo tjetër për SPAK-un
Kreu i SPAK, Altin Dumani

Pas shumë hetimesh, kallëzimesh, verifikimesh, sot SPAK solli një njoftim. Prokuroria e Posaçme ka bërë sekuestrimin e inceneratorit të Tiranës, apo landfillit, pasi inceneratori nuk ekziston.

Në një publikim, thuhen disa nga faktet që ka mundur SPAK të sigurojë, të konfirmojë, apo të verifikojë në lidhje me landfillin e Tiranës.

Ka pasur një debat të gjerë mediatik. CNA ka qenë një nga të parat media që e ka denoncuar, që nga viti 2018 dhe në vazhdim. Jemi përballur me sulme dhe akuza, kemi denoncuar me zë dhe figurë, me dokumenta ekskluzive paratë që merrnin mediat gjoja për reklama.

Kemi denoncuar zërat mediatikë të inceneratorëve, sidomos grupin e strukturuar kriminal që filloi të aktivizoheshe në fund të vitit të shkuar, njerëzit që kanë shkuar në Vjenë, se si u tentua të bliheshin gazetarët kryesorë në Shqipëri, se si u përfshinë në aferë mediat dhe ata që u bënë milionerë nga lekët që u vidheshin shqiptarëve nëpërmjet kompanisë së landfillit të Tiranës dhe sot është për t’i thënë një BRAVO të madhe SPAK-ut.

Por do të kalojnë më shumë ditë dhe do të shohim se si qëndron e vërteta e landfillit të Tiranës, akuzave dhe fakteve që SPAK ka siguruar.

Nga ana tjetër, inkurajojmë SPAK edhe për materialet që gjenden në dosje në lidhje me gazetarët dhe mediat e përfshira, pasi kanë krijuar një grup të strukturuar kriminal mediatik, thjeshtë dhe vetëm për të sulmuar gazetarët që kanë denoncuar aferën e inceneratorëve dhe me shpifje, me fyerje dhe shantazhe tentojnë shkatërrimin e imazhit, prishjen e provave e fakteve dhe të vërtetën me një qëllim, për të mbushur xhepat nga paratë e korrupsionit të inceneratorëve.

Personat janë me emra, janë dorëzuar në SPAK dhe ajo që mbetet është sërish të përmendim një BRAVO dhe të presim për të bërë një duartrokitje tjetër edhe për mediat e korruptuara, të blera dhe të përdorura në mënyrë kriminale nga pronarët e vërtetë të inceneratorëve, “truri” i tyre Mirel Mërtiri, Klodian Zoto dhe të tjerët./ CNA.al

Lajmet e fundit nga