web counter
LEXO PA REKLAMA!

SHKARKO APP

App Store
Google Play

"15 vite burg për kriminelët"/ Rama i prerë: Prokurorët dhe gjykatësit të zbatojnë ligjin për zjarrvënësit

1 Gusht 2023, 15:34, Aktualitet CNA

"15 vite burg për kriminelët"/ Rama i prerë:

Kryeministri Edi Rama ka theksuar thirrjen e tij ndaj drejtësisë për të sanksionuar maksimalisht personat që vënë zjarre duke vënë në rrezik komunitetet dhe duke dëmtuar mjedisin në këtë mënyrë.

Përmes një postimi në rrjetet sociale, Rama ka marrë shkas nga arrestimi në flagrancë i një zjarrëvënësi nga policia ditën e sotme, për të përsëritur thirrjen, duke nënvizuar se ligji parashikon deri në 15 vite burg për këtë veprim tërësisht antiligjor.

Ndër të tjera kryeministri në shkrimin e tij përgëzon Policinë e Shtetit për reagimin e shpejtë dhe gatishmërinë me qëllim mbrotjen e mjedisit dhe sigurinë në këto raste.

“Një tjetër zjarrvënës i arrestuar në flagrancë nga Policia e Shtetit dhe një tjetër arsye për ta përsëritur apelin ndaj prokurorëve e gjykatësve në rrethe, që të zbatojnë me përgjegjshmëri ligjin, i cili parashikon deri në 15 vjet burg për këtë soj kriminelësh

Edhe njëherë përgëzime Policisë së Shtetit për punën shumë të mirë që po bën në këtë front të mbrojtjes së një pasurie kolosale, të krijuar nga breza të tërë për brezat e ardhshëm”-shkruan Rama./CNA.al





Lajmet e fundit nga