Neurokirurgu Sallabanda “qorton” Ministrinë e Shëndetësisë

1 Gusht 2023, 22:45, Aktualitet CNA

Neurokirurgu Sallabanda “qorton” Ministrinë e

Mjeku i njohur neurokirurg Kita Sallabanda ka reaguar në lidhje me sprovën jetësore që u përball aktori i shumënjohur dhe i dashur për publikun Genc Fuga, të cilit iu desh një ndërhyrje e menjëhershme pasi kishte pësur goditje në tru, ndërhyrje që u realizua në një spital privat pasi sistemi shëndetësor shtetëror nuk kishte kapacitetet.

Përmes një postimi në rrjetet sociale Sallabanda shkruan nuk duhet të “shigjetohen” spitalet private për ndërhyrjet e specializuara që ofrojnë me pagesë por sistemi shëndetësor publik i cili nese nuk e ofron në institucionet e veta, duhet ta garantojë në ato private në formën e rimbursimit.

“Te dashur miq, dje ne nje postim, ne nje grup mjekesh , kritikova qendrimin e Ministrise se Shendetesise per rastin e aktorit te njohur Genc Fuga, sot mbaj te njejtin mendim por kjo nuk duhet bere shkak te sulmohen spitalet private qe e ofrojne kete sherbim, por sistemi publik i cili nese nuk e ofron ne institucionet e tija duhet ta garantoje ne ato private ne formen e reembulsimit, siç propozon profesori im Tritan Shehu dhe siç eshte nje praktike e zakoneshme ne shume vende Europiane.

Pacienti JOOO,sistemi PO.

Te gjithe publik e privat jane 1 , ne sherbim te shoqerise dhe duhet te jete pa kosto per pacientin dhe me cilesi.”-shkruan ai.

Një ditë më parë mjeku neurokirurg iu drejtua ministres së Shëndetësisë, Ogerta Manastirliut, ku theksonte se sa e rëndë është që sistemi shëndetësor publik nuk mund të realizojë ndërhyrje të tipit që i nevojitej aktorit Fuga.

“E nderuar Ogerta! Rasti i Genci Fugës dhe dhjetrave qytetarëve të tjerë, është një rast flagrant i neglizhencës së Ministrisë së Shëndetësisë dhe drejtorisë së QSUT që nuk janë të aftë të sigurojnë një trajtim që bëhej që në kohën e profesorit të nderuar, Gjergji Vretos. Kur teknologjia është dhe ku mungon vetëm dëshira, ose ku ka interesa të qartë ekonomikë. Ju keni mundësinë ta ofroni atë shërbim, kush të dojë mund të shkojë te privati. Profesor Kita Sallabanda, Madrid, Spanjë”.-shkruante Sallabanda./CNA.al