web counter
LEXO PA REKLAMA!

SHKARKO APP

App Store
Google Play

Rrezikuan jetën e pushuesve në Potam e Borsh/ Bllokohen 3 mjete lundrimi, gjobiten drejtuesit

2 Gusht 2023, 11:28, Aktualitet CNA

Rrezikuan jetën e pushuesve në Potam e Borsh/ Bllokohen 3 mjete

Drejtuesit e 3 mjeteve lundruese kanë rrezikuar jetën e plazhistëve duke u futur brenda perimetrit të sigurisë, në plazhet e Potami dhe Borshit.

Pas konstatimit nga policia mjetet lundruese u bllokuan si dhe drejtuesit e tyre u ndëshkuan me masën administrative 100 000 lekë të rinj.

Njoftimi i policisë:

-Në Potam, Himarë, është konstatuar një mjet lundrues skaf që po lundronte jashtë zonës së përcaktuar për mjetet lundruese. Shërbimet e Policisë Kufitare kanë bllokuar mjetin lundrues skaf dhe kanë ndëshkuar drejtuesin e tij, me masën administrative 100 000 lekë të rinj.

-Në Borsh, është konstatuar një anije turistike që ishte bregëzuar në vendin e quajtur “Krorëz”, jashtë zonës së përcaktuar për mjetet lundruese.

- Po në Borsh, është konstatuar një mjet lundrues skaf që po lundronte jashtë zonës së përcaktuar për mjetet lundruese.

Shërbimet e Stacionit të Policisë Kufitare Borsh kanë bllokuar 2 mjetet lundruese dhe kanë ndëshkuar secilin nga drejtuesit, me masën administrative 100 000 lekë të rinj.

2 mjetet lundruese që kanë shkelur perimetrin e sigurisë në Borsh, janë shfaqur edhe në disa video të postuara në rrjetet sociale.

Policia Kufitare apelon për të gjithë përdoruesit e mjeteve lundruese, që të respektojnë me rigorozitet perimetrin e sigurisë ujore për plazhisët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete./CNA.al





Lajmet e fundit nga