Afera e inceneratorëve/ SPAK nuk mund të lërë jashtë hetimit bashkitë

12 Gusht 2023, 11:19, Aktualitet CNA

Afera e inceneratorëve/ SPAK nuk mund të lërë jashtë

Afera e inceneratorëve është një nga aferat më të mëdha korruptive, e cila quhet afera e Shekullit.

Së fundi, SPAK po kryen hetime në lidhje me aferën e inceneratorit të Tiranës, i cili pas sekuestrimit është nën administrimin e shtetit.

Ish anëtari i Këshillit Kombëtar të PD-së, Edvin Kulluri ka reaguar në lidhje me zhvillimet e fundit dhe detajet që kanë dalë në lidhje me këtë aferë.

Kulluri thekson se SPAK nuk mund të lërë jashtë hetimit bashkitë.

Ai thotë se vërtetë financimi është bërë me ndihmën e Grantit të Kushtezuar nga Ministria e Financave, por Bashkia Tiranë mbledh tarifën e pastrimit nga qytetarët për shërbimin e mbledhjes dhe përpunimit të Mbetjeve Urbane.

Ai thekson se Bashkia Tiranë është pronare e landfillit të Tiranës ku është vendosur apo duhej vendosur inceneratori dhe ka përgjegjësi për administrimin e shërbimit.

Pra, jo vetëm si institucion përgjegjës me ligj për shërbimin por ka përgjegjësi ligjore për marrjen në dorëzim të inceneratorit.

Bashkia Tiranë ka përgjegjësi direkte për zbatimin e kontratës së lidhur me kompaninë, që do të thotë se duhet të mbikqyrte shërbimin e ofruar që nuk u ofrua kurrë.

Si përfundim, thotë Kulluri, këto konstatime vlejnë për të 5 bashkitë në të cilat është implemtuar trajtimi i Mbetjeve Urbane përmes djegjes pra inceneratorëve, që në fakt nuk ka ndodhur dhe për këtë arsye po hetohet nga SPAK.

Bashkitë Tiranë, Elbasan, Fier, Kavajë dhe Vorë kanë përgjegjësi të plotë në skandalin e inceneratorëve.

“Meqenese prej ditesh ka nje diskutim nese Erjon Veliaj rrezikon te merret i pandehur per Inceneratorin e Tiranes, duhen thene disa fjale per aspektet ligjore qe lindin pas sekuestrimit nga SPAK te Inceneratorit!

1) Trajtimi i Mbetjeve Urbane eshte kompetence ligjore e Pushtetit Vendor, megjithese skema eshte ndertuar nga Keshilli i Minstrave. Pavaresisht nga VKM e miratuara, Bashkite drejtohen nga Kryetare te zgjedhur drejteperdrejte nga qytetaret.

2) Vertete financimi eshte bere me ndihmen e Grantit te Kushtezuar nga Ministria e Financave, por Bashkia Tirane mbledh Tarifen e Pastrimit nga qytetaret per sherbimin e mbledhjes dhe perpunimit te Mbetjeve Urbane.

3) Kompania qe ka falsifikuar faturat sipas SPAK, i ka dorezuar ato ne Bashkine Tirane e me pas i jane kaluar Drejtorise se Thesarit Tirane.

4) Bashkia Tirane eshte pronare e landfield-it te Tiranes ku eshte vendosur apo duhej vendosur inceneratori dhe ka pergjegjesi per administrimin e sherbimit. Pra jo vetem si institucion pergjegjes me ligj per sherbimin por ka pergjegjesi ligjore per marrjen ne dorezim te Inceneratorit.

5) Bashkia Tirane ka pergjegjesi direkte per zbatimin e kontrates se lidhur me kompanine, qe do te thote se duhet te mbikqyrte sherbimin e ofruar qe nuk u ofrua kurre.

6) Te gjitha keto pergjegjesi nuk mund ti lihen Keshillit Bashkiak te Tiranes per sa kohe Keshillat Bashkiake nuk kane pergjegjesi ekzekutive sipas Ligjit Per Organizimin dhe Funksionimin e Qeverisjes Vendore. Kjo eshte si te thuash qe Kuvendi i Republikes se Shqiperise ka pergjegjesi per ligjshmerine dhe funksionimin e Keshillit te Ministrave.

Ne perfundim, keto konstatime vlejne per te 5 bashkite ne te cilat eshte implemtuar trajtimi i Mbetjeve Urbane permes djegjes pra inceneratoreve, qe ne fakt nuk ka ndodhur dhe per kete arsye po hetohet nga SPAK! Po ashtu me bindjen se si ish Kordinator i Grupit te Eksperteve te Decentralizimit ne vitet 2001-2002 dhe ish-Sekretar i Pergjithshem i Ministrise se Mbrojtjes ne vitet 2010-2013 i jam referuar ligjeve ne fuqi dhe frymes se tyre, jduke qene i bindur se bashkite Tirane, Elbasan, Fier, Kavaje dhe Vore kane pergjegjesi te plote ne skandalin e inceneratoreve!”, shkruan Kulluri./ CNA