LEXO PA REKLAMA!

SHKARKO APP

“Biznesmenë italianë kanë udhëtuar me çarter drejt Tiranës”/ Berisha: Veliaj, pronari i djegësit të Tiranës

11 Gusht 2023, 13:22, Aktualitet CNA

“Biznesmenë italianë kanë udhëtuar me çarter

Ish kryeministri Sali Berisha vijon të denoncojë dhe të hedhë akuza ndaj Erion Veliajt, kryebashkiakut të Tiranës duke e quajtur atë si pronarin e djegësit të Tiranës.

Berisha ka ndarë një detaj duke thënë se dy biznesmenë italianë të kompanisë Franco Tossi dhe Bruno Pressezzi, të cilat dalin aksionere te kompania mëmë e inceneratorit të Tiranës, kanë udhëtuar disa herë me çarter për të takuar Erion Veliajn.

Sipas ish kryeministrit gjurmët e ardhjes së tyre janë të gjitha në TIMS.

Ai thekosn se nëse ata pyeten, del që Veliaj është pronari i djegësit të Tiranës.

“Franco Tossi dhe Bruno Preseci kanë ardhur në Tiranë dhe kanë takuar pronarin e djegësit të Tiranës, Erion Veliajn

Franco Tossi dhe Bruno Preseci dy biznesmenë të mëkëmbur italianë, kanë udhëtuar me çarter disa herë për në Tiranë dhe kanë takuar Erion Veliajn, në të gjitha rastet.

Gjurmët e ardhjes së tyre janë të gjitha në TIMS. Problemi është se, po të pyeten ata del që Erion Velaij është pronari i djegësit të Tiranës, se ç’punë kishin ata nëse djegësi ishte i Klodian Zotos, ato do të takonin Klodianin, Ilsën apo Denisin.

Jo ata shkonin drejt e te zyra e pronarit, se e dinin se me kë duhet të flisnin. Por këto mund të jenë pjesë e hetimit që po vazhdojnë”, tha Berisha në konferencën me gazetarët./ CNA

Lajmet e fundit nga