web counter
LEXO PA REKLAMA!

SHKARKO APP

App Store
Google Play

Parandalohet ngjarja e rëndë/ Arrestohen 2 persona që qarkullonin me mina me telekomandë

10 Gusht 2023, 15:19, Aktualitet CNA
Parandalohet ngjarja e rëndë/ Arrestohen 2 persona që qarkullonin
Momenti i arrestimit

Policia e Vlorës ka parandaluar ngjarje të rënda kriminale, pasi kanë kapur 2 persona, të cilët posedonin 2 mina me telekomandë, të programuara për shpërthim në distancë.

Blutë kanë vënë në pranga shtetasit me iniciale F. Gj., 33 vjeç, banues në Burrel dhe E. Gj., 19 vjeç, banues në Laç (xhaxhai dhe nipi).

Shërbimet e Policisë, në hyrje të qytetit të Vlorës, ndaluan automjetin me të cilin lëviznin 2 të arrestuarit.

Gjatë kontrollit të imtësishëm, në kroskotin e këtij automjeti, u gjetën dhe sekuestruan në cilësinë e provës materiale, 2 mina me telekomandë, të programuara për shpërthim në distancë (të pajisura me aparat celular dhe me kapsolla detonatore), të cilat dyshohet se do të përdoreshin për kryerjen e ngjarjeve të rënda kriminale.

Aktualisht po vijojnë veprimet e thelluara hetimore, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për të dokumentuar ligjërisht qëllimin e këtyre 2 shtetasve, si dhe për kapjen e 2 subjekteve të tjera të dyshuara të përfshira në këtë rast.

Ndërkaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./CNA





Lajmet e fundit nga