web counter
LEXO PA REKLAMA!

SHKARKO APP

App Store
Google Play

Kanabisi në Zall Herr/ Vijojnë shkarkimet në radhët e ushtrisë

9 Gusht 2023, 16:53, Aktualitet CNA

Kanabisi në Zall Herr/ Vijojnë shkarkimet në radhët e

14 ushtarakë po ndëshkohen si pasojë e zbulimit të paprecendentë në repartin ushtarak të Zall Herrit, ku u gjetën të kultivuara 125 rrënjë kanabisi.

Këta ushtarakë janë pjesë e Batalionit të Luftimit, Forcës Tokësore dhe Policisë Ushtarake.

Aktualisht janë liruar nga detyra 4 ushtarakle dhe është propozuar lirimi nga detyra edhe për 10 të tjerë.

Vendimi i marrë nga Shtabi i Përgjithshëm i Forcave të Armatosura erdhi pas hetimit të brendshëm që u krye pas zbulimit të rastit të kultivimit brenda repartit të Zall Herrit.

Ajo ç’ka vlen për t’u theksuar dhe nuk mund të anshkalohen janë detyrat që bëjnë disa prej tyre si ai i Komandantit, Shefi i Seksionit të Zbulimit, Agjent Krimesh në Policinë Ushtarake e specialist për gatishmërinë e operacionet.

Masa disiplinore me paralajmërim janë dhënë edhe për Shefin e Sektorit të Policisë Kriminale në Policinë Ushtarake dhe Ekspertin e Ekzaminimeve Kompjuterike.

Zbulimi i 125 rrënjëve kanabis në repartin uhtarak konkludoi me arrestimin e 3 ushtarakëve.

Po ashtu, Shtabi i Përgjithshëm i Ushtrisë ka urdhëruar të kontrollohet çdo repart në mënyrë të imtësishme megjithëse shprehet se ngjarja e ndodhur nuk ka cenuar disiplinën, gatishmërinë apo dhe operacionalitetin e strukturave, e as nuk ka ndikuar në uljen e moralit të personelit ushtarak dhe civil.

3 ushtarakët e arrestuar u lanë në burg nga gjykata edhe pse ata mohuan të kishin lidhje me drogën duke argumentuar se e kanë pasur të pamundur të kontrollojnë 140 hektarët e bazës./CNA





Lajmet e fundit nga