LEXO PA REKLAMA!

SHKARKO APP

Familja i kërkoi ndihmë/ Berisha thirrje qytetarëve, kryebashkiakut të Devollit e deputetëve: Vini dorën në zemër!

8 Gusht 2023, 19:23, Aktualitet CNA

Familja i kërkoi ndihmë/ Berisha thirrje qytetarëve,

Ish-kryeminisri Sali Berisha i ka bërë thirrje kryetarit të Bashkisë Devoll, deputetëve të Devollit, bizneseve të zonës, shoqatave të bamiresisë të vënë dorën në zemër dhe ta ndihmojnë familjen Sejdo në fshatin Sul të Bashkisë Devoll.

Kjo familje përbëhet nga tre anëtarë, të gjithë të sëmurë të cilve ju duhet të kalojnë muajin me 130 mijë lekë të vjetra.

Berisha thotë se zonaj e shtëpisë Albana, nuk ka lënë dere pa trokitur në pushtetin vendor dhe qendror, por askush nuk e vë ujin në zjarr.

Ai ju bën thirrje “kush ta lexojë këtë thirrje ta shpërndaje sa me shumë të mundet, sepse edhe nëse shteti nuk do reagojë, jam i bindur që do gjenden plot të tjerë që do ndihmojnë”.

Postimi i Berishës:

Njerëz të braktisur. Të goditur nga sëmundje, të harruar nga shteti!

Lexoni mesazhin dhe shikoni këtë video.

Është e familjes Sejdo, në fshatin Sul të Bashkisë Devoll. Janë tre veta të semurë në një shtëpi ku çfarë fryn jashtë hyn brenda. Jetojnë dy prindër të semurë dhe djali me KEMP të cilin ja kanë ndërprerë prej dy muajsh. Dy femijë të tjerë i kanë vdekur.

Nuk ka lënë dere pa trokitur gruaja, Albana, e vetmja që mund të levizë, në pushtetin vendor dhe qendror, por askush nuk e vë ujin në zjarr.

Ka arritur të blerë 15 kv çimento, rërën dhe ca tulla për të riparuar shtëpinë por deri këtu. Nuk ka më mundesi. Ajo merr vetem 130 mijë lekë të vjetra në muaj ndihmë ekonomike e cila nuk i del për të blerë ilacet e të birit, të shoqit dhe të sajat.

Devolli nuk është zona që unë jam zgjedhur Deputet, por Albana me ka kontaktuar dhe kërkuar që ta ndihmoj për ta bërë të ditur rastin e saj fatkeq.

I bëj thirrje Kryetarit të Bashkisë Devoll, Deputetëve të Devollit, bizneseve të zonës, shoqatave të bamiresisë të vënë dorën në zemër dhe ta ndihmojnë këtë familje që po heq kaq shumë vuajtje.

Ju lutem, kush ta lexojë këtë thirrje ta shpërndaje sa me shumë të mundet, sepse edhe nëse shteti nuk do reagojë, jam i bindur që do gjenden plot të tjerë që do ndihmojnë. Ju faleminderit!/CNA

Lajmet e fundit nga