web counter
LEXO PA REKLAMA!

SHKARKO APP

App Store
Google Play

E fundit!

x

Debatet për kullën e re/ Revoltohet Murrizi: Mos u ngopshit kurre derisa t’ju vijnë qentë e t’ju p**urrin tek varri

8 Gusht 2023, 16:41, Aktualitet CNA

Debatet për kullën e re/ Revoltohet Murrizi: Mos u ngopshit kurre

Deputeti, Myslim Murrizi ka reaguar i revoltuar pas një debate mediatik e politik për një kullë që pritet të ndërtohet mbas TKOB.

Sipas Murrizit për afro 25 vjet në Tiranë dhe Shqipëri janë ndërtuar mbi 100 kulla të tilla  dhe nuk kemi parë e dëgjuar që të ketë “ sherr”sepse “kockat” janë ndarë paq mes tufës së qenve.

Ai thotë se prej 25 vitesh janë pothuajse 25 çirak pushteti që kanë monopolizuar çdo gjë në Shqipëri në të gjitha qeveritë.

Deputeti, Murrizi thotë se ata që po flasin kundër kësaj kulle duhet të marrin “kockën” e tyre si herët e kaluara “e mos na lehni më si te merzitur”.

“Nuk ka qen e bir qeni që duron me lehjen tuaj të pështire e të ngjirrur nga kockat që keni në fyt prej 30 vitesh o mos u ngopshit kurre derisa t’ju vijnë qentë e t’ju pshurrin tek varri.”, shprehet i revoltuar Murrizi.

Postimi i plotë:

Çfarë është gjithë ky “ sherr” për një kullë??

Çfarë ka ndodhur??

Çfarë ka bërë vaki tek kjo kullë që po lehin disa kundra disave??

Cili nga qentë e politikës, medias apo oligarkisë nuk ka marrë kockën e tij të ndyrë tek kjo kullë??

Për afro 25 vjet në Tiranë dhe Shqipëri janë ndërtuar mbi 100 kulla të tilla dhe janë falur qindra minjëra metra katrorë tokë shtet kujdo zagari “ biznesmen” që punon për llogari të tufës së qenve të politikës, të shtetit e pushtetit dhe nuk kemi parë e dëgjuar që të ketë “ sherr”sepse “kockat” janë ndarë paq mes tufës së qenve.

Janë ndërtuar kulla tek Gjykata e Lartë, kulla tek Plaza, kulla në rrugën e Kavajës, kulla tek stadiumi Air Albania, kulla tek ish Garda e Republikës në park, kulla pas hotel Sheratonit, kulla tek ish Dhoma e Tregtise mes rrugës së Kavajës dhe rrugës së Durresit, kulla pas xhamis e pas Bashkisë, kulla tek ish këndi i lojrave buzë lanës, kulla ngjit me Pallatin e Kongreseve tek Koini, kulla perballe fakultetit ekonomik, kulla tek ish lokal lion park, kulla te hotel tirana e ngjitur me te,kulla buzë Lanës tek ish Parku i Autobuzave, kulla tek Bulevardi i Ri, kulla pa numër tek ish Blloku, kulla poshtë digës se Liqenit Artificial, kulla rreth stadiumit të ri, kulla kudo ku ka patur një cop toke bosh.

Jane ndertuar vila ne Lalz, vila ne Hamallaj, vila ne Palase, vila ne Drimadh, vila ne Dhermi, vila ne Himare, Borsh e Sarande, vila para dhe pas qendres tregtare TEG, vila kulla e pallate tek kodra e diellit, tek liqeni artificial e liqeni i thate

Janë ndërtuar kulla në Durrës, Vlorë, Velipojë, Shengjin , Golem,e kudo ku tufa e qënve të politikes ka patur interes dhe nuk kemi parë të ketë “ sherr”, edhe pse ka patur ndonjë deklaratë për shtyp nga opozita e radhës sa për të thënë që po bëjmë sikur po denoncojmë, por pastaj çdo gjë ka shkuar vaj sepse qentë kanë marë “kockën “e tyre.

Atëherë pse na çani trapin për këtë kullë??

Kujt doni t’ja shisni sikur po mbroni kulturën, identitetin, hapësirat e gjelbëra, ambjentin nga kjo kullë qensh??

A mendoni që nuk jua dinë Shqiptarët pazarin që jeni bashkë si tufë qensh të pa ngopur prej 30 vitesh por bëni sikur ziheni dhe gjoja luftoni e denonconi njëri tjetrin??

Jua dinë aq mirë sa as ju vetë nuk mund ta mendoni por ju qen të pështirë keni kapur prej fyti sistemin e nëpërmjet tij keni kapur në hall nga fukaralliku edhe Shqiptarët që ti bleni lirë kur vijnë zgjedhjet e të qëndroni në pushtet si tufë qensh të ndyrë, të pa ngopur, të pistë e të mbytur në korrupsion, skandale e plot zullume.

Pale kur dëgjoj që disa bëjnë si “kurajoz” dhe ja përmendin emrat këyre që po ndërtojnë kullën e radhës, e disa të tjerë si “parimorë “të mëdhenj që thonë nuk kemi gjë me biznesin, por me pushtetin që ka dhënë lejen e kullës.

Po pse qindra kullat e tjera nuk janë ndërtuar me leje të pushtetit të radhës??

Po pse a nuk janë po të njënjtit ndërtues e përfitues tenderash, pronash, lejesh, konçensionesh, prej 25 vitesh në Shqipëri pamvarsisht se në pushtet kanë qenë parti të ndryshme??

Prej 25 vitesh janë pothuajse 25 çirak pushteti që kanë monopolizuar çdo gjë në Shqipëri në të gjitha qeveritë, nga Nano 1, Majko, Meta, Nano 2, Berisha 1, Berisha 2, Rama 1, Rama 2, Rama 3, dhe Rama, Basha, Velija në Bashkinë Tiranë???

Pse sot ka filluar aktivitetin firma Shtufa, Zeqo, Fusha, Salillari, Gjikuria, Carapuli, Papuli, Dulaku, Gjoka, Ulaj, Kastrati,Mane,Albstar,GPG,

ÇIMI 007,dhe 5-6 të tjera që në publik njihen me emra të fortësh??

Jooooo ore jooooo ,këta kanë 25 vjet që marin çdo tender, diktojnë çdo biznes, vendosin çdo kufizim për çdo biznes tjetër që nuk është pjesë e kësaj “ sofre” dhe nuk ju shërben tufës së qenve të politikës, bëjnë ligje në favor të tyre, marrin prona dhe para publike sepse brenda llogarive të tyre janë dhe mbi 25 miliard euro të vjedhura ndër vite nga qentë e politikës

Ndaj mos na hapni barkun me këtë “ sherr” leshi në mes të vapës për një kullë, a thua se nga kjo kullë varet fati i Shqiperisë dhe Shqiptarëve

Duke qenë që prej 40 vitesh jam gjahtare ,dhe njoh mire instiktin e qenve, ju keshilloj që ta shihni edhe njeher mire se cilin nga qentë e tufës tuaj keni “ harruar” pa “ kocke” tek kjo kulle, dhe gjeni një kockë të vogël edhe për atë, e mos na lehni më si te merzitur se nuk ka qen e bir qeni që duron me lehjen tuaj të pështire e të ngjirrur nga kockat që keni në fyt prej 30 vitesh o mos u ngopshit kurre derisa t’ju vijnë qentë e t’ju pshurrin tek varri./CNA





Lajmet e fundit nga