LEXO PA REKLAMA!

SHKARKO APP

Djali i antares të KLP goditi për vdekje inxhinierin/ Detaje nga ngjarja në Vlorë

7 Gusht 2023, 22:44, Aktualitet CNA

Djali i antares të KLP goditi për vdekje inxhinierin/ Detaje nga

Rei Meta, punonjës i Drejtorisë së Përgjithshme të Doganave autori i ngjarjes së rëndë të ndodhur ditën e sotme në Vlorë është djali i antares të KLP, Nurihan Seiti.

Ai dhunoi për vdekje inxhinierin Armando Meshau në një qendër interneti, në lagjen “Hajro Çakërri”.

Në fillim u raportua se konflikti ndodhi pas një sherri të momentit.

Por mesa duket  shkak për konfliktin ka qenë një pronë në Vlorë.

Rei Meta i kishte premtuar inxhinjerit se do ti zgjidhte nëpërmjet nënës se tij një çeshtjë pronësie kunderjt shpërblimit me një apartamen por ai kishte dështuar në rolin e tij si sekser, dhe 55-vjeçari kishte zgjidhur çështjen që e shqetësonte duke shfrytëzuar lidhjet me palë të treta.

Pavarësisht kësaj, 33-vjeçari pretendonte se për “punën” që kishte marrë përsipër, ndërtuesi duhet t’i falte apartamentin dhe kjo ka nxitur konfliktin mes tyre që çoi dhe në humbjen e jetës së inxhinjerit.

Ish-kryeministri, Sali Berisha e ka konsideruar si “Krim të shëmtuar” vrasjen e inxhinierit Armando Meshau nga Rei Meta djali i anëtares së KLP këtë të hënë në Vlorë.

Sipas Berishës djali i anëtares së KLP, Nurihan Meta përfaqëson sojin e kriminelëve të pushtetit për të cilët ligji nuk ekziston.

Si ndodhi ngjarja:

Ngjarja e rëndë ndodhi  rreth orës 11:45, në një qendër interneti, në lagjen “Hajro Çakërri”.

Viktima, 55-vjeçari Armando Meshau dhe autori i ngjarjes 33-vjeçari, Rei Mete  u përfshinë në një sherr me njëri tjetrin. Si pasojë e konfliktit, Armando Meshau nga goditjet e marra ka humbur jetën menjëherë.

33-vjeçari i cili goditi për vdekje këtë të hënë, një 55-vjeçar, në Vlorë u vu në prangat e policisë vetëm pak kohë pas ngjarjes.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./CNA.al

Lajmet e fundit nga