E fundit!

20:35 Politikë

Rama për projektin e Zvërnecit: Do të jetë krenari për Shqipërinë dhe për Europën

Kryeministri Edi Rama në konferencën ndërqeveritare është ...

Reagimi i Gjergj Lucës pas sulmeve të papabaza/ Padi në SPAK për shpifje, shantazh e gjobëvënie

7 Gusht 2023, 12:18, Aktualitet CNA

Reagimi i Gjergj Lucës pas sulmeve të papabaza/ Padi në SPAK

Biznesmeni dhe sipërmarrësi Gjergj Luca

Ashtu siç edhe paralajmëroi, biznesmeni dhe sipërmarrësi Gjergj Luca ka dorëzuar sot në SPAK një padi për sulmet e pabaza ndaj tij, bërë nga gazetarët Gjergj Zefi dhe Adriatik Doçi, të dy të dënuar më parë për shfifje dhe fyerje. Ndaj tyre ka dhjetëra gjyqe në gjykatën penale dhe civile dhe gjithashtu edhe kallëzime dhe hetime në prokurori.

Në një prononcim për mediat para gjykatës, Luca deklaroi se Gjergj Zefi dhe disa gazetarë të tjerë janë duke hedhur llum drejt figurës së tij, duke bërë dallavere e pisllëqe.

Ai i akuzon këta gazetarë për shpifje, fyerje, shantazh dhe gjobëvënie. Luca deklaroi se shtysën për të ngritur padinë e mori pas një lumi shpifjesh ndaj tij.

“Të kesh gjithë këto kamera, ndihem pak si i emocionuar, si VIP politike. Erdha këtu për të ruajtur fytyrën time.

Nuk dua ta kthej personale, dua të hap një betejë për të gjithë mediat e tallavasë që juve nuk ju nderojnë. Personalisht ia drejtoj Gjergj Zefit dhe të gjithë Gjergj Zefave të këtij vendi, të gjithë dallavereve që mundohen të bëjnë pisllëqe në këtë vend.

Konkretisht nuk di nga t’ja filloj për të që para kaq vitesh që është marrë me mua non-stop, por kur lexova artikullin e fundit, që isha një organizues i një grupi të madh kriminal, që isha një trafikant i regjur, që bëja të gjithë kokainën dhe drogën në të gjithë Ballkanin, deri në Austri, kur kam marrë pjesë në urdhërimin e vrasjeve nga ky grup kriminal, kur lexova që kam pastruar lekët e krimit, mu duke kaq burrë i fortë dhe burrë me vlera sa erdha të lodh veten para shtetit tim, para gjykatës këtu mbrapa që po i kthen besimin shqiptarëve dhe para gjykatës që mendoj se ne njerëzit që punojmë do nma kthejë dinjitetin.

Dhe kërkova që unë të gjykohem nga shteti im, a jam unë ky që shkruhet në këtë artikull, apo ky njeri duhet të gjykohet për shpifje, për poshtërsi, për grabitje, për gjobëvënie”, theksoi sipërmarrësi./CNA