LEXO PA REKLAMA!

SHKARKO APP

Begaj përkujton 115-vjetorin e lindjes së Eqerem Çabejt/ “Meriton përjetë nderimin dhe mirënjohjen e brezave shqiptarë në shekuj”

6 Gusht 2023, 22:33, Aktualitet CNA

Begaj përkujton 115-vjetorin e lindjes së Eqerem Çabejt/

Presidenti i Republikës, Bajram Begaj ka përkujtuar 115-vjetorin e lindjes së albanologut Eqerem Çabejt.

Begaj shprehet se jeta dhe vepra e tij e bëjnë akademikun tonë të madh emrin më përfaqësues të shkencave albanologjike.

Ndër të tjera ai thekson se Eqrem Çabej meriton e do të meritojë përjetë nderimin dhe mirënjohjen e brezave shqiptarë në shekuj.

“Shpreh gjithë nderimin dhe mirënjohjen time si President i Republikës së Shqipërisë për Prof. Eqrem Çabejin sot në 115-vjetorin e lindjes së tij, jeta dhe vepra e të cilit e bëjnë akademikun tonë të madh emrin më përfaqësues të shkencave albanologjike.

Me përkushtimin, vizionin dhe punën e palodhur prej patrioti të madh dhe intelektuali të shquar, si shkencëtar i rendit të parë, por edhe si dijetar, mendimtar dhe pedagog brilant, Eqrem Çabej jo vetëm i dha identitet shkencor akademizmit shqiptar, por ç’është më e rëndësishme i çeli horizonte të qarta duke e orientuar atë kah hullia e duhur, në të mirë të zbulimit dhe argumentimit shkencor të autoktonisë së shqiptarëve në trojet e të parëve të tyre, të vazhdimësisë iliro-shqiptare, të etnogjenezës ilire dhe prejardhjen e shqiptarëve prej tyre.

Për gjithçka i dha vendit, popullit dhe kombit tonë, Eqrem Çabej meriton e do të meritojë përjetë nderimin dhe mirënjohjen e brezave shqiptarë në shekuj”.-është shprehur Begaj.

Lajmet e fundit nga