LEXO PA REKLAMA!

SHKARKO APP

Shiu i dendur boshatis bregdetin shqiptar

5 Gusht 2023, 18:28, Aktualitet CNA

Shiu i dendur boshatis bregdetin shqiptar

Ditët me temperatura që shkonin deri në 40 gradë celsius duket se u zbehën para shtrëngatave të shumta që pushtuan vendin ditën e sotme.

Bregdeti shqiptar u shkretua këtë të shtunë duke u braktisur nga pushuesit pas reshjeve të shumta të shiut dhe erës së fortë.

Moti i cili “ktheu pllakën” ditën e sotme, bëri që bregdeti shqiptar të boshatisej tërësisht brenda pak minutash.

Duke marrë shkas nga kjo situatë Policia Kufitare e Vlorës ka këshilluar pushuesit të evitojnë qarkullimin në det me mjete lundruese.

Nga ana tjetër kapiteneria e Portit të Durrësit ka pezulluar përkohësisht lundrimin e mjeteve turistike apo argëtuese.

Shiu i dendur ka “trembur” turistët duke bërë që ata të largohen nga vendpushimet e tyre për t’u kthyer nga kanë ardhur.

Si pasojë rrugët kryesore të qyteteve bregdetare si Durrësi dhe Vlora u rënduan nga fluksi i automjeteve./CNA.al

Lajmet e fundit nga