LEXO PA REKLAMA!

SHKARKO APP

TikTok do të përballet me gjobë nga BE për trajtimin e të dhënave të fëmijëve

5 Gusht 2023, 14:22, Aktualitet CNA

TikTok do të përballet me gjobë nga BE për trajtimin e

TikTok do të përballet me një gjobë për trajtimin e të dhënave të fëmijëve në BE, pas një vendimi të marrë të premten nga Bordi Evropian për Mbrojtjen e të Dhënave (EDPB), shkruan euronews.

Vendimi i EDPB do të thotë që Komisioni Irlandez i Mbrojtjes së të Dhënave do të jetë në gjendje të lëshojë një gjobë financiare brenda një muaji. Autoritetet e tjera të BE-së për mbrojtjen e të dhënave kishin ngritur më parë kundërshtime për rastin.

Rregullatori irlandez është autoriteti kryesor i BE-së për mbrojtjen e të dhënave në procedurat kundër TikTok, pasi selia ligjore e kompanisë në BE është e vendosur në Dublin.

Vendimi është pjesë e një hetimi të nisur në vitin 2021 nëse TikTok kishte shkelur rregullat e mbrojtjes së të dhënave të BE-së, të njohura si GDPR, duke mos siguruar që proceset e verifikimit të moshës të mbronin mjaftueshëm privatësinë e fëmijëve midis moshës 13 dhe 17 vjeç.

Niveli i transparencës së TikTok se si i përpunon të dhënat e fëmijëve po hetohet gjithashtu.

Platforma e mediave sociale në pronësi kineze përdoret nga më shumë se 150 milionë njerëz në Evropë. Kompania e saj mëmë ByteDance raportoi të ardhura prej 80 miliardë dollarësh (72.6 miliardë euro) në 2022. 

Në prill të këtij viti, TikTok u gjobit me 12.7 milionë £ (14.7 milionë euro) nga mbikëqyrësi i të dhënave në Mbretërinë e Bashkuar për trajtim të paligjshëm të të dhënave të fëmijëve, një nga ndëshkimet më të mëdha të këtij lloji.

Vendimi përfundimtar për dënimin që do të lëshohet nga Komisioni Irlandez i Mbrojtjes së të Dhënave pritet të shpallet në shtator./CNA.al

Lajmet e fundit nga