E fundit!

20:09 Politikë

Konferenca ndërqeveritare në Bruksel/ Kos: Mbyllja e tre kapitujve, moment i madh për Shqipërinë

Komisionerja europiane për Zgjerimin, Marta Kos ka përgëzu...

Shteti i parë federal i SHBA-së ndalon "TikTok"-un

18 Maj 2023, 09:15, Tech CNA

"TikTok" mjaft i kontestuar në SHBA për shkaqe sigurie merr goditjen e parë. Shteti federal i Montanës vendosi të ndalojë përdorimin e tij në të ardhmen për të mbrojtur qytetarët nga përgjimi i Partisë Komuniste të Kinës.

Guvernatori i shtetit federal të Montanës ka nënshkruar një ligj sipas të cilit videoplatforma e njohur "TikTok" ndalohet përfundimisht në këtë shtet, më parë ligji kaloi në kongresin me shumicë republikane. Shteti federal i Montanës vendosi të ndalojë përdorimin e tij në të ardhmen për të mbrojtur qytetarët nga përgjimi i Partisë Komuniste të Kinës", tha guvernatori Gianforte.

Rregullorja e re i ndalon dyqanet e App-it të ofrojnë këtë aplikim nga viti 2024. Po ashtu "TikTok" nuk lejohet të jetë aktiv si sipërmarrje në shtetin federal Montana. Kush ofron mundësi për qasjen te "TikTok"-u nga kjo kohë do të gjobitet me 10.000 dollarë. Dënimet nuk do t'u jepen përdoruesve, por ofruesve. Një zëdhënëse e medias sociale "TikTok" e ka kritikuar këtë vendim. Ky ligj shkel kushtetutën, tha Brooke Oberwetter, por e la të hapur nëse platforma nën pronësi të kompanisë kineze, Byte Dance do të ngrejë padi.

Kritikët e këtij vendimi shohin ndër të tjera rrezikimin e të drejtës për shprehjen e lirisë së mendimit. Disa e shohin këtë si test për ndalimin e "TikTok" në të gjithë vendin, që synohet nga shumë deputetë të Kongresit Amerikan. Në dhjetor Montana ndali përdorimin e "TikTok" në telefona në pronësi qeveritare, me argumentin e "rreziqeve signifikante" dhe të dhënave të ndjeshme.

Disa deputetë, FBI dhe autoritete të tjera amerikane janë të shqetësuara, se videoplatforma në pronësi të kompanisë kineze ByteDance mund të keqpërdoret nga qeveria kineze për të pasur qasje në të dhënat e qytetarëve amerikanë apo të përhapë disinformacionë në favor të Pekinit dhe të ndikojnë kështu opinionin publik. "TikTok" vetë ka deklaruar, se një gjë e tillë nuk ka ndodhur kurrë më parë./ DW