web counter
LEXO PA REKLAMA!

SHKARKO APP

App Store
Google Play

E fundit!

x

Si duhet ta karikoni celularin tuaj që bateria të zgjasë më shumë?

17 Maj 2023, 09:52, Tech CNA
Si duhet ta karikoni celularin tuaj që bateria të zgjasë më
Foto ilustruese

A e vendosni celularin në karikim gjatë gjithë natës? Nuk e hiqni nga asnjëherë priza? A prisni që të shkarkohet plotësisht apo të ngarkohet 100 për qind? Nuk ka asgjë më të keqe se kjo. Studimet kanë zbuluar se shumë njerëz nuk i karikojnë si duhet celularët e tyre.

E megjithatë, do të mjaftonte të lexonim dhe zbatonim udhëzimet që jepen kur blini smartfonin tuaj të ri se si të ruani kapacitetin e baterisë për aq kohë sa të jetë e mundur. Gjithsesi ne nuk i marrim parasysh ato. Sepse zakonisht jemi mësuar ta karikojmë telefonin natën teksa flemë gjumë, pa e hequr nga priza, dhe më pas ta shkëputim në mëngjes, teksa simboli i baterisë tregon “100%”. Një veprim ky shumë i gabuar.

1. Mos e lini të mbinxehet

Gabimi i parë i madh që bëjnë shumë nga ne, është mosheqja e këllëfit mbrojtës gjatë karikimit. Nga dembelizmi apo injoranca, ne priremi ta karikojmë celularin pa e nxjerrë nga andej. Sepse arsyetojmë: ato kanë gjithmonë një vrimë të vogël në lartësinë e portës së karikimit, atëherë pse të përfitojmë nga kjo lehtësi?

Në fakt, sidomos gjatë stinës së nxehtë të verës, apo nëse priza që përdorim vendoset pranë burimeve të nxehtësisë, do të ishte mirë që ta hiqnim telefonin inteligjent nga kasa e vet mbrojtëse. Arsyeja është shumë e thjeshtë: të shmangni mbinxehjen, gjendja më e keqe për çdo bateri litium-jon, e cila e përshpejton degradimin e saj.

2. Mos e karikoni deri në 100 për qind

Një zakon tjetër i keq është lënia e celularit të bjerë në zero ose anasjelltas ta karikoni deri në masën 100 për qind. Në vend të këtyre ekstremeve, ekspertët rekomandojnë që bateria duhet të mbahet gjithmonë midis 30-70 për qind. Kjo sepse bateritë litium-jon funksionojnë duke lëvizur vazhdimisht grimcat e vogla të lëvizshme të quajtura “bartës të ngarkesës” midis elektrodave.

Në këtë mënyrë, pjesët përbërëse vendosen nën presion, dhe me kalimin e kohës efikasiteti bie në mënyrë të pashmangshme. Karikimi i telefonit për një kohë të gjatë, ose lejimi që të shkojë deri në zero, janë dy rrugë që ushtrojnë shumë presion ndaj elektrodave dhe e reduktojnë jetëgjatësinë e baterisë.

3. Mos e karikoni natën

Dhe këtu kthehemi te gabimi më i zakonshëm: karikimi i pajisjeve gjatë natës. Problemi nuk është se duke vepruar në këtë mënyrë do të arrihet ngarkesa maksimale, por se për orë e orë të tëra karikuesi do të vazhdojë të furnizojë baterinë me energji të padobishme, para së gjithash duke e mbinxehur atë, por edhe duke dëmtuar elektrodat e saj.

Siç shpjegon Kevin Pardi në "The New York Times": "Është shumë e lehtë të mbushësh një sfungjer të thatë me ujë. Por përpjekja për të detyruar një sfungjer pothuajse të ngopur të thithë pikat e fundit të lëngut kërkon më shumë presion, dhe lë më shumë lëng të grumbulluar në sipërfaqe. Ky akumulim në një bateri quhet SEI (Solid Electrolytic Interface) dhe zvogëlon kapacitetin e saj të përgjithshëm”.

Me pak fjalë, në rast se dëshironi që bateria e celularit tuaj të ruajë standardet optimale për aq kohë sa të jetë e mundur, mos e lini që të shkarkohet plotësisht, hiqeni nga këllëfi mbrojtës kur e rikarikoni dhe vëreni në karikim ndoshta në mbrëmje pas darkës dhe shkëputeni nga priza para se të flini, ose në mëngjes sapo zgjoheni. Në këtë mënyrë, askush nuk do të thotë faleminderit, përveç ndoshta celularit tuaj./ CNA.al





Lajmet e fundit nga