web counter
LEXO PA REKLAMA!

SHKARKO APP

App Store
Google Play

E fundit!

x

Bashkëpunëtorët e Ben Tigrit

5 Gusht 2023, 09:11, Aktualitet CNA

Bashkëpunëtorët e Ben Tigrit

Në dy ditët e fundit mediat e Rilindjes, të sponsorizuara prej parave të korrupsionit dhe aferës së inceneratorëve, ku shigjetat, partia në pushtet, i ka të drejtuar tek Arben Ahmetaj, një nga politikanët e saj kryesorë, ka një hall të madh. Halli lindi sapo doli lajmi, se një komision ekspertësh do të publikonte ditë pas dite, fakte dhe prova në lidhje me inceneratorët, të reja dhe të vjetra, apo dokumente që kishin kaluar pa pasur vëmendjen. 

Së pari, pamë një video dje ku tregohet Klodian Zoto, gjatë kohës që ka qënë në hetim apo në kërkim. Nga ana tjetër Rilindja reagoi dhe mediat e saj, duke vazhduar me fushatën e pandalshme të demotivimit dhe ngritjes së të pavërtetave në piedestal, siç ishte e pavërteta e madhe se inceneratorët ishin një histori suksesi ku në fakt ishin një histori vjedhjesh dhe korrupsioni.

Me inceneratorin në Elbasan që ka një kosto miliona euro për t’u mbajtur në punë dhe plehrat ende nuk incenerohen, pra inceneratori  është i panevojshëm. Me incenerator në Fierit, ku paguhet vetëm 12 euro për landfillin dhe inceneratori nuk punon sepse gati 10 për qind e investimit është i munguar dhe në Tiranë një incenerator që nuk punon 7 vite pas firmosjes së kontratës koncensionare dhe me pronarët e vërtetë dhe trurin e tyre, Mirel Mertiri dhe Klodian Zoto që janë shpallur në kërkim ndërkombëtar.

 

Bashkëpunëtorët e Ben Tigrit
Inceneratori i Fierit

 

 

Së dyti, hall i madh ka qenë Arben Ahmetaj, shiti dosjen e inceneratorëve, i’a dha Ilir Metës, krimi i parë.

Së treti, Arben Ahmetaj bashkëpunoi me amerikanët e shiti dosjen tek amerikanët. 

Së katërti, komisioni hetimor i Belind Këlliçit ka një armik që quhet Brisida Shehaj.

Së pesti, mediat që nxjerrin lajme kundër inceneratorëve janë të blera nga Tigri, Monika, Likja. Së gjashti dhe e fundit, Tigri bashkëpunon me Sali Berishën kundër Rilindjes, prandaj shqiptarë socialistë bashkohuni kundër Ben Tigrit, kundër Saliut, Ilirit, Monës dhe bashkëpunimit me amerikanët.

Një lëmsh i vërtetë, për opinionin publik, pra amerikanët që shpallin non grata Berishën dhe kanë çuar në cep Ilir Metën, bashkëpunonin me Tigrin për inceneratorët, me non gratat e Saliut e të tjera mesele si këto. Të pavërteta, gënjeshtra të ngritura në pjedestal. Ashtu siç ndodhi me mediat që shumicën e atyre që denonconin inceneratorët i quajnë media të Ilir Metës, apo i quajtën media të Monikës apo media të paguara nga Arben Ahmetaj. 

Ndërkohë nga ana tjetër merrnin para në të zezë e në të bardhë me fakte, të cilat janë  të gjitha nën hetim nga SPAK-u.

Media pa logo, e pa reklama, që shantazhojnë e kërcënojnë prokurorë me personazhe në hetim që kanë shkuar në Vjenë, vajtje-ardhje, ecejake me para, blerje gazetarësh, korrupsion, anonimë mediatikë, ku askush tashmë nuk ka kurajo të dalë me emë publikisht. Frikacakë, gjobaxhin, të korruptuar që po shkojnë drejt prangave për bashkëpunim me krimin dhe fshehjen e së vërtetës.

 

E gjithë e vërteta është vetëm një.

Bashkëpunëtori më i madh i Arben Ahmetajt quhet Edi Rama dhe Rilindja.

Nuk ka qenë Arben Ahmetaj as zëvëndësi i Saliut, as i Metës, as zëvëndësi i Monës, as zv.ambasador i ambasadës dhe as zv.kryeredaktor në ndonjë gazetë.  Bashkëpunëtori kryesor i Arben Ahmetajt ka qenë Edi Rama. 

 

Bashkëpunëtorët e Ben Tigrit
Arben Ahmetaj dhe Edi Rama

A nuk na tha kryeministri që dikush pas tij kishte ngrënë dardha?

Si mund të zgjidhesh kryeministër dhe të vijë tjetri të hajë dardha prapa krahëve?

Nuk e dëgjonte kërcitjen e gojës së Tigrit, kur kafshonte dardhën, po Lali nuk i tha gjë?  Se atij si shpëton asgjë në Tiranë si mund ti shpetonte gjithë landfilli pa incenerator dhe Mireli, kryeministri ynë i nderuar, apo të të tjerëve që vidhnin e grabisnin lartë e poshtë? 

Rama mund të jetë i papërfshirë tek afera e inceneratorëve, por e gjithë Rilindja është përfshirë brenda dhe është korruptuar nga Mirel Mërtiri e Klodian Zoto. Që nga kryetarët e bashkive, tek zyrtarët e ministrive që çonin e merrnin e-maile e deri tek Zoto, që faleshe para shefit të tij Mirel Mërtiri. Nga i pari tek i fundit. Me Tigër, pa Tigër, brenda ishin të gjithë, por Tigri sju firmosi, të tjerët kanë firmosur duke marrë milionat siç po i nxjer të palarat vetë Mireli nga Vjena ku ndodhet me pasaportë të sekuestruar në pritje të ekstradimit.  

Kush ishte bashkëpunëtori kryesor, Saliu amerikanët, mediat apo Likja te afera e inceneratorëve?

Ishin zyrtarët e partisë në pushtet me kryeministrin Edi Rama. Tani e ka fajin Bashkia e Fierit, e Vlorës, emergjencat, Tirana, Lali e të tjera muhabete si këto, janë një gjë që askush nuk e beson më. 

 

Bashkëpunëtorët e Ben Tigrit
Klodian Zoto dhe Mirel Mërtiri

Edhe këto komisionet me grupe ekspertësh po llahtarisin këta zyrtarë sepse shumë gjëra kanë kaluar pa pasur vëmendjen e duhur. Siç është çështja e matsave të ujit që ka shkuar në Korçë, në Berat, në Lushnjë, në Elbasan, në Fier dhe në Tiranë. 

Më tej, ditë pas dite do të shohim dhe do të dëgjojmë shumë të vërteta, të cilat fillimisht janë sulmuar, të vërteta që janë mohuar, më pas të vërteta që kanë filluar të pranohen dhe në fund të vërteta që Rilindja dhe zyrtarët e saj kërkojnë t’i bëjnë të tyren.

Siç po ndodh me inceneratorët, skema ku gazetarë, banditë mediatikë e gjobaxhinj, kërkojnë që skemën e inceneratorëve ta kenë vetë në dorë, si informacion të kontrolluar për t’i sërvirur atë që i duhet, opinionit publik dhe jo të gjithë të vërtetën, e cila po zbardhet dhe po tregon ditë pas dite se afera e inceneratorëve është vërtetë afera e shekullit. Skema e bëri Tigri me Klodin ka marrë fund. 

INCENERATORËT I BËRI QEVERIA E RILINDJES ME BASHKITË E SAJ.

Jo për të bërë politikë, as për të  sulmuar apo mbrojtur kryeministrin, apo opozitën, por afera e shekullit, është afera e shekullit.

Opozita ka kusurin e saj llumin e saj dhe meritat e saj. Ashtu si vetë kryeministri ka meritën e tij që donte pastrimin e Shqipërisë. Por, ky pastrim nuk mund të bëhej duke u zhytur në llumin e inceneratorëve, i cili tashmë është një fakt i pakundërshtueshëm ku Rilindja po kërkon të incenerohet por nuk mundet dot, sepse inceneratorët nuk punojnë./CNA

 





Lajmet e fundit nga