LEXO PA REKLAMA!

SHKARKO APP

Berisha: Rama nuk i fitoi zgjedhejt, mobilizoi klanet e drogës, bleu votat

4 Gusht 2023, 20:11, Aktualitet CNA

Berisha: Rama nuk i fitoi zgjedhejt, mobilizoi klanet e drogës, bleu votat

Ish-kryeministri Sali Berisha  në mbledhjen e Këshillit Kombëtar të Partisë Demokratike tha se ata të cilët mendojnë se Edi Rama fitoi zgjedhjet, për fat të keq mashtrojnë veten dhe përligjin një farsë të shëmtuar.

Sipas tij Rama mobilizoi të gjitha klanet e drogës me favore dhe ato derdhën sasi të mëdha parash gjatë zgjedhjeve.

Gjithashtu Berisha tha se në blerjen e votave, qeveria angazhoi me dhjetëra dhe qindra biznese, duke iu ngarkuar bizneseve në patronazh, qendra votimi.

“Vlera e votës, çmimi i votës në qendrat ku duhej përmbysur rezultati, arriti deri në 600 euro. Në blerjen e votave, qeveria angazhoi me dhjetëra dhe qindra biznese, duke iu ngarkuar bizneseve në patronazh, qendra votimi. Sikundër, mobilizoi të gjitha klanet e drogës me favore dhe ato derdhën sasi të mëdha parash në këtë proces. Ata të cilët mendojnë se Edi Rama fitoi zgjedhjet, për fat të keq mashtrojnë veten dhe përligjin një farsë të shëmtuar. Nuk fitoi, përkundrazi i grabiti dhe nuk ka mëkat më të madh se sa të përligjësh një farsë zgjedhore. Të dokumentuar si të tillë. Kjo është njëra shtyllë. Kjo është industria e blerjes së votës. Por e dyta, është makineria gjigante e shtetit elektoral, që ishte më agresive se asnjëherë tjetër ndaj zgjedhësve shqiptarë. Administrata e shndërruar në një polici politike ushtroi terror në mbarë Shqipërinë ndaj zgjedhësve shqiptarë. Terrorizuan gjer në kërcënim me jetë të votuesve, në mënyrë që t’i detyrojnë të votojnë për PS-në. Nuk i fitoi zgjedhjet e bleu ato.”/CNA.al

Lajmet e fundit nga