web counter
LEXO PA REKLAMA!

SHKARKO APP

App Store
Google Play

Akuzat e Berishës/ Metani: Shko në prokurori, s'më bën dot presion

4 Gusht 2023, 14:27, Aktualitet CNA
Akuzat e Berishës/ Metani: Shko në prokurori, s'më bën
Inspektori i Lartë i Drejtësisë, Artur Metani

Inspektori i Lartë i Drejtësisë, Artur Metani, i është përgjigjur akuzave të ngritura nga ish-kryeministri Sali Berisha se është i përtfshirë në aferën e inceneratorëve.

Në një intervistë me gazetaren Anila Hoxha, Metani i kërkoi Berishës të shkojë në Prokurori nëse ka ankesa apo akuza ndaj tij.

Ai deklaroi se askush nuk mund ta intimidojë apo t’i bëjë presion në  në punën e Inspektorit të Lartë të Drejtësisë.

“Unë nuk kam dëshirë të merrem me komente politike, por do respektoj pyetjen tuaj. Për rastin konkret, por edhe kujdo tjetër që ka ankesa apo akuza ndaj Inspektorit të Lartë të Drejtësisë ose Artur Metanit, i them që të shkojë në prokurori.

Së dyti, çdokush që kërkon të intimidojë ose të ndikojë, apo të bëjë presion në punën e Inspektorit të Lartë të Drejtësisë, ta harrojë! Ta harrojë!”, theksoi Metani.

Berisha ngriti akuzat se kreu aktual i ILD-së, gjatë kohës që ishte drejtues i departamentit juridik të Këshillit të Ministrave, ka marrë pjesë në të gjithë argumentimet ligjore për procedurën e koncesionit.

Berisha kërkoi dorëheqjen e Inspektorit të Lartë të Drejtësisë dhe i bëri thirrje drejtësisë që ta hetojë./ CNA.al





Lajmet e fundit nga