LEXO PA REKLAMA!

SHKARKO APP

Ndalimi i oficerit në Durrës/ Reagon Balla

3 Gusht 2023, 18:11, Aktualitet CNA

Ndalimi i oficerit në Durrës/ Reagon Balla

Ministri i Brendshëm, Taulant Balla, ka reaguar në lidhje me ndalimin e nënkomisarit në Durrës pasi dyshohet për shpërdorim detyre dhe korrupsion pasiv.

Përmes një shkrimi në rrjetet sociale Balla shprehet se forcimi i bashkëpunimit mes agjencive ligjzbatuese dhe lufta e përbashkët për spastrimin e vatrave të krimit përballë dhe brenda Policisë së Shtetit, do ta çojë Shqipërinë në një tjetër nivel të sundimit të ligjit.

Ministri ka përgëzuar Agjensinë e Mbikqyrjes Policore për dokumentimin e provave në kuadër të këtij procedimi penal.

“Sapo kemi dërguar para drejtësisë një tjetër oficer policie me gradën N/Komisar në Drejtorinë Vendore të Policisë Durrës, të përfshirë në korrupsion dhe minim të luftës së policisë kundër trafikimit dhe shpërndarjes së lëndëve narkotike. Përgëzoj Agjensinë e Mbikqyrjes Policore për dokumentimin e plotë të provave në kuadër të këtij procedimi penal dhe përfundimit të hetimeve në bashkëpunim të ngushtë me Prokurorinë pranë Gjykatës Shkallës Parë të Juridiksionit Përgjithshëm Durrës.

Shpreh besimin se forcimi i bashkëpunimit mes agjencive ligjzbatuese dhe lufta e përbashkët për spastrimin e vatrave të krimit përballë dhe brenda vetë organizatës së Policisë së Shtetit, do ta çojë Shqipërinë në një tjetër nivel të sundimit të ligjit.

Përgëzime dhe vetëm përpara!”-shkruan Balla./CNA.al

 

Lajmet e fundit nga