LEXO PA REKLAMA!

SHKARKO APP

Zhupa takon Presidentin Begaj/ Shkak ligji për Akademinë e Shkencave

3 Gusht 2023, 15:41, Aktualitet CNA

Zhupa takon Presidentin Begaj/ Shkak ligji për Akademinë e Shkencave

Deputetja e Partisë Demokratike, Ina Zhupa, është takuar ditën e sotme me presidentin e Republikës, Bajram Begaj.

Takimi ka patur të bëjë me ligjin për Akademinë e Shkencave, ligj i cili zgjat mandatin e Skënder Gjinushit në krye të këtij institucioni.

Deputetja demokrate tha për mediat se ligji për Akademinë e Shkencave shkel kushtetutën dhe se i ka kërkuar presidentit që mos ta dekretojë.

Ajo thekson se ky i fundit tregoi interes për të shqyrtuar shkeljet e konstatuara.

“Ligji për Akademinë e Shkencave shkel kushtetutën, pasi është ligj i qepur si kostum për Gjinushin. I kam kërkuar presidentit që të mos dekretojë ligjin për Akademinë e Shkencave. Shprehu interes për të dëgjuar dhe për të shqyrtuar shkeljet e konstatuara. Për mua është me rëndësi që procesi të shikohet si proces që nuk ka të bëjë vetëm me akademinë e Shkencave, por gjëra që lidhen drejtpërdrejtë me qeverinë. E vlerësova presidentin për takimin që organizoi dhe për dëgjesën me mua. Mendoj se presidenti do të respektojë kushtetutën e vendit dhe do të qëndroj në mbrojtje të kushtetutës.”,-tha ajo./CNA.al

Lajmet e fundit nga