LEXO PA REKLAMA!

SHKARKO APP

"Diplomatët kanë marrë pagat"/ Ministria e Jashtme: Nuk kemi asnjë llogari bankare të bllokuar

3 Gusht 2023, 14:30, Aktualitet CNA

 

"Diplomatët kanë marrë pagat"/ Ministria e Jashtme: Nuk

Ministria për Europën dhe Punët e Jashtme njofton se nuk është bllokuar asnjë llogari bankare e MEPJ-së apo përfaqësive diplomatike shqiptare, përfshirë Italinë dhe se diplomatët jashtë vendit kanë marrë pagat në kohë. 

Ministria e Jashtme  thekson se llogaritë bankare të MEPJ e të çdo përfaqësie diplomatike të Republikës së Shqipërisë gëzojnë imunitet diplomatik e kësisoj janë të pacënueshme në çdo rrethanë.

"Ministria për Evropën dhe Punët e Jashtme cilëson si të pavërtetë dhe tërësisht abuziv informacionin e publikuar në disa portale, mbi të ashtëquajturin “bllokim” të llogarive bankare të MEPJ apo përfaqësive diplomatike shqiptare, përfshirë Italinë.

MEPJ informon opinionin publik dhe median se në bazë të Konventës së Vjenës llogaritë bankare të MEPJ e të çdo përfaqësie diplomatike të Republikës së Shqipërisë gëzojnë imunitet diplomatik e kësisoj janë të pacënueshme në çdo rrethanë.

Çdo punonjës i MEPJ dhe i shërbimit më jashtë si në Itali e në çdo shtet tjetër ka marrë pagesën rregullisht, sikundër edhe atë të muajit korrik, konform ligjeve dhe kodit të punës", thuhet në njoftim.

 

Në media qarkulloi një lajm se punonjësit e shërbimit diplomatik shqiptar në Itali nuk kanë marrë ende pagat e muajit të shkuar. 

Sipas diplomatit shqiptar në Itali, të cituar në media, vonesa e pagesave që duheshin bërë pak ditë më parë lidhet me detyrimet që shtetit shqiptar ka ndaj investitorit italian, Francesco Becchetti. Ky i fundit ka marrë drejtën për të marrë një dëmshpërblim të majmë pasi fitoi gjyqin në Arbitrazh me qeverinë shqiptare.

 

 

Lajmet e fundit nga