LEXO PA REKLAMA!

SHKARKO APP

App Store
Google Play

E fundit!

x

Ministria e Jashtme e Kosovës, thirrje qytetarëve/ “Shmangni kalimin në Serbi”

1 Qershor 2023, 19:26, Kosova & Bota CNA

Ministria e Jashtme e Kosovës, thirrje qytetarëve/ “Shmangni

Ministria e Jashtme e Kosovës ka paralajmëruar qytetarët që të shmangin udhëtimet në Serbi.

Ministria e Jashtme ka apeluar qytetarët kosovarë që të përdorin rrugë alternative për në Serbi, me qëllim shmangien e çdo incidenti.

"MPJD fton qytetarët e Republikës së Kosovës të shmangin kalimin nëpër Serbi. Për shkak të situatës së krijuar në veri të vendit, Ministria e Punëve të Jashtme dhe Diasporës e Republikës së Kosovës, u bën thirrje të gjithë qytetarëve që të shmangin kalimin nëpërmjet Serbisë.

MPJD, gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd. Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim", thuhet në deklaratë.

Kjo thirrje vjen për shkak të tensioneve në veri. Gjatë ditës ka patur raportime për arrestime të qytetarëve të Republikës së Kosovës nga autoritetet serbe, pas kalimit të kufirit në Serbi./ CNA.al

Lajmet e fundit nga