web counter
LEXO PA REKLAMA!

SHKARKO APP

App Store
Google Play

Berisha, thirrje KQZ-së/ “Dorëzoni dokumentet për farsën zgjedhore”

1 Qershor 2023, 14:18, Kosova & Bota CNA
Berisha, thirrje KQZ-së/ “Dorëzoni dokumentet për
Ish-kryeministri, Sali Berisha

Ish-kryeministri, Sali Berisha i ka bërë thirrje KQZ-së, që në emër të transparencës të dorëzojë dokumentet që disponon për farsën zgjedhore në Kamzë dhe bashki të tjera.

Berisha tha se ka dokumente se farsa në Bashkinë e Kamzës ka qenë kryekëput antikushtetuese.

Sipas tij, KQZ-ja ka marrë urdhra nga Rama për të mos dorëzuar dokumentet e kërkuara nga pala e interesuar.

“Jam këtu për t’i bërë thirrje KQZ-së që në emër të transparencës të dorëzojë çdo dokumentacion që disponon për farsën e tmerrshme zgjedhore, në Kamzë dhe më pas në bashkitë e tjera. Në disponojmë dokumente të pakundërshtueshme se farsa në Bashkinë e Kamzës ka qenë kryekëput antikushtetuese, dhe në kundërshtim flagrant me parimet e kushtetueses.

Ka një urdhër nga Rama që të mos dorëzohen dokumentet e kërkuara nga pala e interesuar. Por kjo është një porosi që duhet të hidhet poshtë me guxim nga KQZ-ja. Do të dënohet çdo përpjekje për të penguar transparencën e plotë.

Ne nuk po kërkojmë asgjë tjetër veçse transparencës. Provat do t’i dorëzojmë të gjitha, duke filluar që nesër, ato që kemi do t’u dorëzohen mediave. Ata që e shndërruan në farsë do të marrin përgjigjen e merituar.

Rivotim në të gjitha bashkitë ku është marrë mandati i opozitës. Për shkak të marrjes së mandatit të opozitës ne nuk njohim zgjedhjet. Opozita ka marrë 40 % të votave dhe falë këtij manipulimi këto 40 % prodhuan vetëm 5 % të pushtetit”, tha Berisha./ CNA.al

 





Lajmet e fundit nga