E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Ministri i Brendshëm në Kosovë: Serbët në veri po kërcënohen për të marrë pjesë në protesta

1 Qershor 2023, 15:06, Kosova & Bota CNA

Ministri i Brendshëm në Kosovë: Serbët në veri po

Ministri i Punëve të Brendshme të Kosovës, Xhelal Zveçla, është shprehur se minoriteti serb i Kosovës detyrohet nga Lista Serbe që të angazhohet në demonstratat e organizuara ditët e fundit.

Zveçla tha se sot një numër i madh qytetarësh janë detyruar të nënshkruajnë në lista pjesëmarrjen e tyre në protestë.

“Haptazi ky është një mjet për të ndërmarrë veprime të mëvonshme ndaj atyre që nuk kanë qenë prezentë në protestë. Kjo mund të nënkuptojë kërcënime dhe dhunë fizike ndaj tyre dhe familjarëve, largime nga puna si dhe dëmtim të pronave të atyre personave”, tha Zveçla.

Vakanca që solli dorëheqja e kryetarëve të dalë nga Lista Serbe në krye të komunave në veri të Kosovës në dhjetorin e vitit 2022 pasoi në nevojën për zgjedhje të reja vendore.

Zgjedhjet lokale në komunat me shumicë serbe u bojkotuan nga partitë politike serbe të cilat nuk morën pjesë.

Votimet nxorrën fitues kandidatët e partive shqiptare të cilët duhet të nisin punën në godinat komunale, gjë e cila refuzohet kategorikisht nga komuniteti serb atje por që për hir tësë vërtetës është një detyrim dhe e drejtë kushtetuese.

Si pasojë e pakënaqsisë së tyre grupime banditësh, policë, paramilitarë e të tjerë, kanë organizuar protesta të dhunshme duke bllokuar në këtë mënyrë punën e kryetarëve të zgjedhur dhe njëkohësisht një te drejtë të parashikuar në Kushtetutë.

Protestat kanë degjeneruar në dhunë dhe vandalizëm masiv. Shumë ushtarë të forcave paqeruajtëse në Kosovë kanë mbetur të lënduar sëbashku me dhjetëra protestues të tjerë.

Ajo çfarë lë për të dëshiruar është paqëndrueshmëria e ndërkombëtarëvenë lidhje me zgjedhjet lokale në veri të Kosovës të cilat më parë i cilësonin si legjitime ndërsa tashmë shigjetojnë kryemionstrin e Kosovës Albin Kurti si përgjegjës të situatës së krijuar.