web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Artur Metani, i përfshirë në aferën e inceneratorëve

3 Gusht 2023, 13:07, Politikë CNA

Berisha: Artur Metani, i përfshirë në aferën e

Ish-kryeministri Sali Berisha ka ngritur akuza të forta ndaj Inspektorit të Lartë të Drejtësisë, Artur Metanit.

Në një deklaratë për shtyp, Berisha tha se Metani është i përfshirë në aferën e inceneratorëve.

Sipas tij, kreu aktual i ILD-së, gjatë kohës që ishte drejtues i departamentit juridik të Këshillit të Ministrave, ka marrë pjesë në të gjithë argumentimet ligjore për procedurën e koncesionit.

Ai pretendon se këtë gjë, Metani e ka bërë së bashku me Sekretarin e Përgjithshëm të Këshillit të Ministrave, Engjëll Agaçin.

Për këtë arsye, Berisha kërkoi dorëheqjen e Inspektorit të Lartë të Drejtësisë.

“Sipas burimeve origjinale, po ushtrohet presion i madh ndaj ekipit të hetimit të vjedhjes së shekullit. Në këtë kontekst, kërkoj të hetohet çdo kontakt i cilitdo punonjës me ekipin e hetimit të vjedhjes së shekullit.

Në këtë kontekst, kërkoj dorëheqjen e menjëhershme të inspektorit të lartë të drejtësisë, Artur Metani, i cili është ligjërisht dhe penalisht një nga përgjegjësit më kryesorë të aferës së djegësave në Shqipëri.

Artur Metani, informoj shqiptarët, se është bashkë me Engjëll Agaçin, njeriu që ka argumentuar, që ka marrë pjesë në të gjithë argumentimet ligjore të Këshillit të Ministrave.

Artur Metani, ish-drejtues i departamentit juridik të Këshillit të Ministrave, që është gardiani kryesor i vendimeve të Këshillit të Ministrave, bashkë me Agaçin kanë legjitimuar një procedurë krimi.

Artur Metani është i zhytur kokë e xhep në vjedhjen e shekullit. Ai, pa asnjë tagër, ka kryesuar mbledhjen me 5 zëvendësministra në Ministrinë e Mjedisit, e bërë me qëllim nga Edi Rama dhe Engjëll Agaçi për të shkelmuar strategjinë e hartuar me 4 mln euro investime të BE për trajtimin e mbetjeve në Shqipëri me depozitim, seleksionim, riciklim.

Ky zotëri ka kryesuar mbledhjen pa asnjë tagër, thjesht për interesa të kupolës së mafies së plehrave.

Ndaj i kërkoj dorëheqjen e menjëhershme nga posti, sepse përbën kërcënim potencial madhor për të gjithë hetuesit dhe gjykatësit e kësaj çështje, pasi ai është vetë i inkriminuar plotësisht dhe tërësisht”, theksoi kreu i PD-së./ CNA.al





Lajmet e fundit nga