web counter
LEXO PA REKLAMA!

SHKARKO APP

App Store
Google Play

Financimet nga inceneratorët/ Meta e pranon: Janë blerë dy palë zgjedhje

1 Gusht 2023, 14:08, Politikë CNA

Financimet nga inceneratorët/ Meta e pranon: Janë blerë dy

Kryetari i partisë së inceneratorëve, LSI-së së vjetër, Ilir Meta ka reaguar ditën e sotme për sekuestrimin e inceneratorit të Tiranës nga SPAK.

Meta e ka cilësuar sekuestrimin si një lajm të vonuar, ndërsa deklaroi se me paratë e inceneratorëve janë blerë dy palë zgjedhje.

Kështu, kreu i partisë së inceneratorëve pranoi atë që është thënë në media, se fushatat elektorale, përfshirë këtu edhe atë të LSI-së në vitin 2017, janë financuar nga paratë e kompanive të inceneratorëve.

“Pa asnjë diskutim, siç kanë treguar faktet e paraqitura nga ana jonë, kjo është kryevepra kriminale që ka ndodhur në vendin tonë dhe që është toleruar për një kohë të gjatë. E vlerësojmë shumë të vonuar, por është një lajm pozitiv, se efektet janë atje, faktet aty kanë qenë, ajo që dua të nënvizoj është se tre çështjet, Elbasani, fieri dhe Tirana, janë një çështje.

Kemi të bëjmë me një aferë të krijuar dhe ideuar nga asnjë grup i strukturuar kriminal. Kjo është kryevepra kriminale e qeverisë në Shqipërisë, janë ndërmarrje e rilindjes me të cilën janë blerë dy palë zgjedhje dhe disa media, dhe paratë e së cilës janë përdorur për të deformuar vullnetin e qytetarëve shqiptarë. E rëndësishme është riatdhesimi i parave të qytetarëve të Tiranës por dhe të Elbasanit e Fierit”, theksoi Meta.

Kujtojmë se gjatë kohës që janë firmosur kontratat koncesionare për 3 inceneratorët, ministër Mjedisi ka qenë Lefter Koka i LSI-së. Ishte LSI-ja, forca politike që kishte drejtuar ministrinë ku dolën inceneratorët dhe që heshti deri në 2019-ën, deri në kohën kur ish-ministri Koka nuk pranoi të digjte mandatin./ CNA.al





Lajmet e fundit nga