E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Balla paralajmëron policët nga Gjirokastra/ “Nëse shkelni ligjin, pasojat shumëfish të rënda”

30 Korrik 2023, 10:15, Politikë CNA

Balla paralajmëron policët nga Gjirokastra/ “Nëse shkelni

Ministri i Brendshëm, Taulant Balla ka mbajtur këtë të diel një takim me strukturat e Drejtorisë Vendore të Policisë së Gjirokastrës.

Balla është shprehur se policia dhe agjencitë e tjera ligjzbatuese kanë nevojë për disa ndryshime në vizionin dhe misionin e tyre.

Ai ka porositur blutë që t’i japin më shumë prioritet komunikimit, bashkëpunimit e partneritetit me qytetarët.

Ministri ka theksuar se policia duhet të jetë më shumë vetëkorrigjuese, pasi kur ligjet shkelen nga policët, pasojat janë shumëfish më të rënda.

Balla paralajmëron policët nga Gjirokastra/ “Nëse shkelni

“Siç e kam bërë të ditur gjatë kontakteve të mia të para me drejtues të Policisë së Shtetit, përfaqësues të institucioneve, por edhe me qytetarë në të gjithë territorin e vendit, Policia dhe agjencitë e tjera ligjzbatuese kanë nevojë për disa ndryshime në vizionin dhe misionin e tyre. Kam konstatuar se publiku dhe qytetarët i kanë mirëpritur këto qasje të reja në raportet e Policisë me ligjin dhe qytetarët.
Duhet t’i japim më shumë prioritet komunikimit, bashkëpunimit e partneritetit me qytetarët dhe funksioneve edukuese të Policisë dhe agjencive ligjzbatuese.

Eficenca e punës së Policisë nuk varet nga forca e policit, por nga forca e ligjit. Policia duhet të jetë më shumë vetëkorrigjuese dhe duhet të perceptohet vetëm dhe vetëm si simbol i ligjshmërisë. Polici duhet të jetë një model, një referencë për qytetarët.

Balla paralajmëron policët nga Gjirokastra/ “Nëse shkelni

Në çdo rast shkelja e ligjit ka pasoja të rënda për shoqërinë, por kur ligjet shkelen nga policët, pasojat janë shumëfish më të rënda. Kjo trondit besimin publik jo thjesht te policia, por te shteti dhe ligji.

Por këto përmirësime në vizionin dhe misionin e Policisë nuk realizohet thjesht sepse i kërkoj unë apo i mbështesin qytetarët. Ato kërkojnë edhe një mbështetje ligjore dhe ne do të fillojmë të punojmë për këtë”, deklaroi Balla./ CNA.al