Një ngjarje tragjike ka ndodhur mbrëmjen e sotme në fshati...
Sula për Bashën: Nuk mund të kesh besim te një njeri që ka humbur 5-6 herë
31 Korrik 2023, 17:37, PolitikëCNA
Deputeti demokrat Dashnor Sula ka komentuar në lidhje me zgjedhjet për kreun e PD-së së vulës që u mbajtën me 29 korrik.
Gjatë një interviste televizive ai shprehet se nuk e njeh Bashën si kryetar i PD-së së vulës dhe se duhet një figurë e re në krye të saj.
Ndër të tjera Sula theksoi humbjet seriale të Bashës duke deklaruar se nuk mund t’I besosh një politikani të tillë.
“Ne si grup nuk e njohim Bashën si kryetar të PD-së, pasi nuk mund të kesh besim te një njeri që ka humbur 5-6 herë. Nuk kam shkuar as në mbledhjen e Kryesisë, pasi nuk e njohim atë Këshill, kryetar apo zgjedhje.
Zotëria mund të thotë që unë mund të jem anëtar, por e shoh që u bë dita e dytë që vërshojnë lum urimet. Nuk po ngel asnjë vend pa e uruar për këtë fitore. E kuptoni ku jemi katandisur? Kjo është një turp.
Kishte shanset që pas dorëheqjes të jepte kontributin e tij. Kishte një vit e ca që u largua nga skena dhe kishte mundësi për të kontribuar në Parlament me diskutime.
I futi ca pushime dhe shyqyr që ndodhi luftë në Ukrainë, e u rikthye. Vishet me bluza si Zelenksy, edhe gruaja e Zelenskyt thotë “kush na i vjedh bluzat ne tela?”. Është bërë meme.
Nëse humb 5-6 herë rresht, ke besim te unë? Ke dalë nga kategoria? Çfarë ke ndryshuar te ty? Je bërë më i bukur, më i zoti? Ishalla ka bërë ndonjë shpikje, se rrota është bërë.”, u shpreh Sula./CNA.al
