LEXO PA REKLAMA!

SHKARKO APP

Balla: Përdoruesit e mjeteve lundruese të respektojnë perimetrat e sigurisë

2 Gusht 2023, 18:01, Politikë CNA
Balla: Përdoruesit e mjeteve lundruese të respektojnë perimetrat
Ministri i Brendshëm, Taulant Balla

Ministri i Brendshëm, Taulant Balla ka reaguar në lidhje me mosrespektimin e perimetrit të sigurisë nga mjetet lundruese në plazhe.

Me anë të një statusi në rrjetet sociale, Balla i bën thirrje përdoruesve të mjeteve lundruese që të respektojnë me rigorozitet rregullat dhe perimetrat e sigurisë ujore për plazhisët.

Gjithashtu, ai i kërkon qytetarëve të denoncojnë në numrin e policisë çdo rast shkeljeje nga mjetet lundruese.

“Policia Kufitare dhe Njësia Policore Detare janë në krye të detyrës për të monitoruar plazhet ku po pushojnë qytetarë të shumtë vendas dhe të huaj. Dua t’i kujtoj përdoruesve të mjeteve lundruese, që të respektojnë me rigorozitet perimetrat e sigurisë ujore për plazhisët, të zbatojnë rregullat për përdorimin e mjeteve lundruese dhe të respektojnë zonat e përcaktuara për lundrim me këto mjete. Nuk do të ketë asnjë tolerim në asnjë rrethanë dhe për askënd.

Ftoj qytetarët që për çdo rast të shkeljes së perimetrit të sigurisë dhe të përdorimit të mjeteve lundruese në mënyrë të parregullt, të denoncojnë në numrin pa pagesë 112, duke iu garantuar reagim të shpejtë, me forcën e ligjit”, thekson ministri./ CNA.al

Lajmet e fundit nga