web counter
LEXO PA REKLAMA!

SHKARKO APP

App Store
Google Play

E fundit!

x

Komisioni i Këlliçit tremb Rilindjen dhe bandën mediatike të inceneratorëve

4 Gusht 2023, 12:12, Aktualitet CNA

 

Komisioni i Këlliçit tremb Rilindjen dhe bandën mediatike
Ish-deputeti Belind Këlliçi

 

CNA paralajmëroi ngritjen e një ekipi ekspertësh nga ish-kreu i FRPD-së, nga ish-deputeti dhe ish-kandidati për bashkinë e Tiranës, zoti Belind Këlliçi.

Grupi i ekspertëve do të përbëhet nga ekonomistë, juristë, njerëz të medias, për të mbledhur fakte dhe prova të reja për inceneratorët, për aferën e tyre dhe për t’i bërë publike.

Nxjerrja e lajmit ka shqetësuar jo pak Rilindjen zyrtare dhe mediat e paguara nga inceneratorët, editorialistët që merrnin fatura me dhjetëra mijëra euro dhe vendosnin logon sa i bukur ishte inceneratori i Tiranës, landfilli i Tiranës, sa të mirë ishin inceneratorët, pavarësisht se prej vitesh e vitesh me radhë raportohej korrupsion, para, fatura fiktive, mashtrime me TVSH-në, siç është rasti i hetimeve të bllokuara nga Delina Ibrahimaj e kështu me radhë.

Zakonisht, në fillim Rilindja të vërtetën e sulmon, pastaj e përqesh, pastaj e pranon dhe thotë që ne e zbuluam vetë me drejtësinë tonë dhe ja po i dërgojmë këta hajdutët brenda në burg. Në fakt, e vërteta është krejt ndryshe. Këtë e bëjnë pasi kapen të gjallë.

Rasti i inceneratorëve ka ende shumë dokumente dhe fakte të papublikuara.

Edhe pse SPAK ka zhvilluar hetimet për Elbasanin, Fierin dhe Tiranën, dosjet janë shumë voluminoze, kanë shumë fraksione brenda, përfshi këtu edhe korrupsionin, paratë e marra nga mediat, deri te shantazhet, kërcënimet për të devijuar hetimet, prova dhe vepra penale që tashmë i ka në duar SPAK dhe i janë dërguar drejtësisë.

Por ka edhe shumë të tjera, që qytetarët duhet t’i dinë, pasi hetimi penal është i tillë, që gjen fajtorët e korrupsionit, apo abuzimet me fondet e shtetit dhe bashkëpunëtorët e tyre.

Ka edhe dokumente të tjera në lidhje me zyrtarë shumë të rëndësishëm, të cilat përpiqen të anashkalohen dhe përsëritja është mëma e dijes. Ata që shqetësohen për përsëritjen, duhet të mësojnë edhe një detaj tjetër:

Do të ketë dokumente dhe fakte të tjera për inceneratorët, do të zbulohen, do të publikohen dhe do të denoncohen në SPAK fakte dhe prova të lidhur me persona dhe individë të caktuar, që fillojnë nga zyrtarë të shtetit e përfundojnë tek individë të medias, fatura konkrete, takime, pagesa, shërbime, korrupsion i gjerë i bërë me inceneratorët, duke u përdorur edhe politikisht.

Për ata që ende nuk e kanë kuptuar, banda e inceneratorëve nga Elbasani deri te mediat, është përdorur politikisht si instrument korrupsioni për të financuar edhe fushatat elektorale. Ka struktura të caktuara të përfshira gjerësisht, financime në zgjedhjet e 2021-shit, përfshi këtu edhe fushatat për mediat të bëra gjerësisht në vitin 2021 nga kompania e inceneratorit të Tiranës.

Pra, do të lexohen dhe shihen fakte ashtu siç CNA i ka nxjerrë ditë pas dite dhe nuk i quanin dokumentet, por thonin nuk duken, janë të pavërteta, i ka nxjerrë “filani” apo “fisteku”. Koha e këtyre trillimeve tashmë ka marrë fund! Tigri ka marrë arratinë!

Dokumentet që do mblidhen nga komisioni hetimor që po ndërtohet nga Belind Këlliçi me ekspertë dhe teknicienë është një punë e tij, por media ka punën e saj të gjejë fakte dhe prova të reja për t’ja vënë përballë medieve të korruptuara dhe të paguara nga inceneratorët, për t’ja vënë përballë opinionit publik e për t’i dorëzuar sërish në SPAK ashtu sikundër janë dorëzuar rreth 180 faqe dokumentacion voluminoz, komunikime, e-maile zyrtare, fatura, transaksione, deri te shitblerja e aksioneve dhe pagesa për mediat.

CNA e paralajmëroi komisionin e Belind Këlliçit, por menjëherë mediat zyrtare të Rilindjes u shqetësuan, e kjo është jo pak, është një hap shumë i mirë.

Vërtetë duhet të shqetësohen, të alarmohen, e më shumë se të kenë hallin e Tigrit se iu ka ikur apo po e mbron Sali Berisha, duhet të kenë hallin e pasojave që do të kenë vetë përballë ligjit./ CNA.al





Lajmet e fundit nga